Jesaya 49:1-26
49 O pulau-pulau, begikenlah,O bangsa-bangsa bas ingan si ndauh, perdiatekenlah.+
Lenga pe aku lahir, enggo ilebuh Jahwe aku.+
Bas rahim mamakku denga pe aku, enggo belaskenNa gelarku.
2 BanNa babahku bagi pedang si ntelap.
LindungiNa aku alu tanNa.+
BanNa aku bagi anak panah si enggo ipetelap.
BunikenNa aku bas ingan anak panahNa.
3 Nina man bangku, “O Israel, kam kap pelayanKu.+
Kucidahken pagi kemulianKu arah kam nari.”+
4 Tapi ningku, “Sia-sia nge kuakap latih.
Keri gegehku la erguna.
Tapi bere Jahwe pagi keadilen man bangKu,*Upahku lit bas Dibataku.”+
5 Enggo ibentuk Jahwe aku janah banNa jadi pelayanNa mulai kin aku bas rahim nari.
Gundari, suruhNa gelah kubaba Jakup mulihken man baNa,Gelah Israel ipepulung man baNa.+
Imuliaken pagi aku i lebe-lebe Jahwe,Janah Dibataku pagi si jadi gegehku.
6 Nina man bangku, “Kam labo saja pelayanKuSi mpekeke suku-suku Jakup,Ras si ngulihken kalak Israel si selamat,Tapi Kujadiken ka kam terang man bangsa-bangsa,+Gelah keselamaten arah Aku nari seh ku ujung-ujung doni.”+
7 Jahwe, Si Nebus Israel, Dibata Israel Si Badia,+ ngataken man kalak si ihina,+ si segat ate bangsa-bangsa, pelayan penguasa-penguasa,
“Tedis pagi raja-raja janah idahna,Sujud pagi peminpin-peminpin,Perban kam enggo ipilih+ Jahwe si setia,+Dibata Israel Si Badia.”
8 Bagenda nina Jahwe,
“Sanga jadi ateKu, Kualoi kam,+Bas wari keselamaten, Kusampati kam.+
Lalap kam Kulindungi guna njadiken kam perjanjin man bangsa-bangsa,+Gelah negri e iban bagi si tangtangna,Gelah taneh warisen kalak e si la iurus iulihken man kalak e,+
9 Guna ngataken man kalak si ipenjaraken, ‘Ndaratken!’+
Ras man kalak si lit bas kegelapen,+ ‘Cidahken bandu!’
Man pagi kalak e i tepi dalan.
Lit pagi mbalmbal gedang-gedang dalan.*
10 La pagi kalak e melihe ntah pe muas,+La pagi kalak e kena las matawari si nderngit.+
Sebap Dibata si rate mekuah man kalak e pagi si minpin kalak e.+
BabaiNa pagi kalak e ku tepi mata lau.+
11 Kuban pagi gunung-gunungKu jadi pasar,Janah ipeganjang pagi pasar-pasarKu si galang.+
12 Nenlah! Kerina kalak e reh arah ingan si ndauh nari,+Janah nenlah! Lit si reh arah utara ras barat nari,Lit ka si reh arah daerah Sinim nari.”+
13 O langit, ersuraklah, o doni, ermeriah ukurlah.+
O gunung-gunung, ersuraklah alu meriah ukur.+
Sebap enggo apuli Jahwe umatNa,+Janah mekuah ateNa man umatNa si susah.+
14 Tapi lalap nina Sion,
“Enggo tadingken Jahwe aku,+ enggo lupaken Jahwe aku.”+
15 Banci kin sekalak pernanden lupa man anakna si minem* denga?
Ntah la atena keleng man anak si lahirkenna?
Bicara lupa pe ia, tapi Aku, labo pernah Kulupaken kam.+
16 Bas tapak-tapak tanKu, Kuukir gelarndu.
Tembok-tembokndu lalap lit i lebe-lebeKu.
17 Buru-buru anak-anakndu mulih.
Kalak si engkernepken kam ras si ngancurken kam lawes pagi arah kam nari.
18 Nenlah ras tataplah ku sekelilingndu.
Kerina kalak e pulung.+
Reh kalak e man bandu.
Nina Jahwe, “Aku Dibata si nggeluh ersumpah,Kuban pagi kalak e jadi perhiasenndu,Janah pakendu pagi e bagi penganten.
19 Amin gia inganndu enggo hancur ras la iingani, janah negrindu enggo jadi reruntuhen,+Gundari ingan e enggo mbuesa pendudukna,+Janah kalak si engkernepken kam+ enggo ndauh arah kam nari.+
20 Anak si lahir sanga kam erceda ate ngataken man bandu,‘Ingan enda enggo padatsa.
Ban inganku gelah tading aku jenda.’+
21 Emaka nindu bas ukurndu,‘Anak-anak ise si ibereken man bangku enda?
Sebap aku enggo kebenen anak ras mandul,Ibuang ras itaban.
Ise si enggo mpebelin kalak e?+
Aku sisada nari ngenca,+Ja nari rehna anak-anak enda?’”+
22 Bagenda nina Jahwe Tuhan Si Meganjangna,
“Kuangkat pagi tanKu man bangsa-bangsa,Ras Kuangkat tiang tandaKu man suku-suku bangsa.+
Baba kalak e pagi anak-anakndu si dilaki bas tan* kalak e,Ras anak-anakndu si diberu bas bara kalak e.+
23 Raja-raja pagi si ngurus kam,+Anak-anakna si diberu pagi si ngerawat kam.
Sujud pagi kalak e man bandu,+Dilatna pagi abu arah nahendu,+Tehndu pagi maka Aku kap Jahwe.
Kalak si ngarap man bangKu labo pagi ipermelaken.”+
24 Banci kin tahanen ibebasken arah tan kalak si megegeh,Banci kin tabanen iselamatken arah tan kalak si kejam?
25 Tapi bagenda nina Jahwe,
“Tahanen arah kalak si megegeh ibebasken pagi,+Janah tabanen arah kalak si kejam pe iselamatken pagi.+
Musuhndu jadi musuhKu,+Kuselamatken pagi anak-anakndu.
26 Kalak si nindas kam Kuban pagi panna dagingna sendiri.
Mabuk pagi kalak e perban darehna sendiri bagi mabuk perban anggur si ntebu.
Kerina pagi kalak meteh maka Aku kap Jahwe,+Si Nelamatken kam,+ Si Nebus kam,+Dibata Jakup Si Megegeh.”+
Cataten i teruh
^ Ntah “Tapi hakimi Jahwe pagi aku.”
^ Ntah banci saja “bukit si botak.”
^ Ntah “minem ASI.”
^ As. “dada.”
