Jesaya 50:1-11
50 Bagenda nina Jahwe,
“Lit kin Kubereken surat cerai+ man mamak kena sanga Kupelawes ia?
Lit kin utangKu man kalak maka arus Kudayaken kena?
Kena itaban perban dosa kena,+Mamak kena ipelawes perban kesalahen kena.+
2 Engkai maka sanga Aku reh, la lit ise pe i jenda?
Engkai maka sanga Aku erlebuh, la lit si ngaloi?+
La kin ngasup Aku* mbebasken?
La kin lit kuasaKu guna nelamatken?+
Nenlah! Kerah laut perban rawaKu,+Lau si maler Kuban jadi gurun pasir.+
Ikan-ikan macik perban la lit lau,Janah mate perban muasna.
3 Kuban langit itutupi kegelapen,+Kain guni Kuban jadi penutupna.”
4 Jahwe Tuhan Si Meganjangna enggo ngajarken kai si arus kukataken,+Gelah banci kuteh uga carana ngerana man* kalak si latih.+
MedakiNa aku tiap erpagi-pagi,MedakiNa aku gelah kubegiken Ia bagi sekalak murid.+
5 Jahwe Tuhan Si Meganjangna mereken pengertin man bangku,Janah la aku mberontak.+
La aku nilah arah petunjukNa nari.+
6 Kubereken gurungku man kalak si mekpek aku,Kubereken ayoku man kalak si ncabut janggutku.
La kubuniken ayoku sanga aku ihina ras iciduri.+
7 Tapi Jahwe Tuhan Si Meganjangna nampati aku.+
E me sebapna labo kuakap mela.
E me sebapna kupegegehi bangku bagi batu api guna ngadapi kalak e,+Janah kuteh maka labo pagi aku ipermelaken.
8 Dibata si ngataken aku benar, lit i deherku.
Ise si banci nuduh* aku?+
Mari kita arih-arih.
Ise si banci nuntut aku?
Rehlah ia ndahi aku.
9 Jahwe Tuhan Si Meganjangna pagi si nampati aku.
Ise si ngataken aku ersalah?
Kalak e kerina bagi baju si nandangi male,Ras ipan serangga.*
10 Ise arah kena si mbiar man JahweJanah nggit megiken pelayanNa?+
Ise si erdalan bas ingan si seh kel gelapna si la lit cahaya i je?
Pediatlah kalak si bage tek man gelar Jahwe janah andalkenna Dibatana.
11 “Tapi man kena si mpegara api,Si erban kabang perciken api,Erdalanlah ku bas cahaya api e,Ku tengah-tengah perciken api si ipegara kena.
Enda me hukumen man kena arah Aku nari,Ampar pagi kena perban suina.
Cataten i teruh
^ As. “Gendeksa kin tanKu guna.”
^ Ntah banci saja “carana mpegegehi.”
^ Ntah “sijawapen ras.”
^ Ntah “nget-nget.”
