Jesaya 53:1-12
53 Ise kin si erkiniteken man berita si ipeseh kami e?*+
Man ise kin kuasa Jahwe+ icidahken?+
2 Turah pagi ia bagi cabang+ si lit i lebe-lebena,* bagi urat si lit i taneh si gersang.
Labo pagi ia teridah mbestang ntah pe mulia,+Penampilenna la erban kami merhat ndeher ras ia.
3 Ihina ia janah la kalak nggit ndeher ras ia,+Angkana uga nanamna erceda ate ras kena penakit.
Ayona tempa-tempa ibuniken arah kami nari.*
Irendahken ia janah kami pe la ermediate man bana.+
4 Situhuna, ia nge si nanggung penakit kami,+Itanggungna kesusahen kami.+
Tapi anggap kami ia kena sumpah janah Dibata si erban ia susah.
5 Ia itebak+ perban dosa kami,+Ia isiksa perban kesalahen kami.+
Ia ihukum guna kedamen man kami,+Janah kami ipepalem perban luka-lukana.+
6 Kami kerina bagi biri-biri si papak,+Tiap kalak ngikutken dalanna masing-masing,Janah ban Jahwe ia si nanggung kerina kesalahen kami.+
7 Isiksa ia+ janah nggit ia itindas,+Tapi la ia ngerana sitik pe.
Bagi sada biri-biri, ibaba ia guna igeleh,+Bagi anak biri-biri si la ersora sanga mbuluna ipangkas,Sitik pe la ia ngerana.+
8 Itindas ia janah ibaba lawes sope lenga iadili,La lit ise pe si ngukuri kerna asal usulna.*
Sebap ikernepken ia arah negri kalak si nggeluh.+
Ibunuh* ia perban pelanggaren bangsaku.+
9 Amin pe la lit salahna,*Janah la pernah ia erbual,+Kuburenna lit i tengah-tengah kalak jahat,+Janah ikuburken ia ras kalak bayak.+
10 Ipediat Jahwe ia isiksa ras susah.
Adi iban Dibata kesahna jadi persembahen kesalahen,+Idahna keturunenna, gedang pagi umurna,+Janah arah ia, terjadi pagi sura-sura Jahwe.+
11 Perban kesusahenna, puas pagi akapna ngenen kai si idahna.
Alu pemetehna, pelayanKu si Kukataken benar,+Sampatina pagi enterem kalak gelah ianggap benar,+Janah kesalahen kalak e, ia pagi si nanggungsa.+
12 E me sebapna Kubere pagi sada bagin man bana radu ras enterem jelma,Bagi-bagikenna pagi barang jarahen man kalak si megegeh,Perban berena geluhna seh ngasa mate,+Janah ia ianggap bali ras kalak jahat.+
Babana dosa enterem jelma,+Janah banna pemindon guna kalak si erdosa.+
Cataten i teruh
^ Ntah banci saja “berita si begi kami e?”
^ Kata ganti “na” banci maksudna manusia ntah pe Dibata.
^ Ntah banci saja “Ia bagi kalak si buang muka kalak man bana.”
^ Ntah “kerna pergeluhna.”
^ Ntah “Ipekpek.”
^ Ntah “la ia jahat.”
