Jesaya 54:1-17
54 Nina Jahwe, “O diberu si mandul, si la pernah melahirken, ersuraklah!+
Ersuraklah alu meriah ukur,+ o diberu si lenga pernah ngenanami uga suina melahirken.+
Sebap buen pagi anak arah diberu si itadingken,Asangken anak arah diberu si lit dilakina.”*+
2 “Pebelanglah kemahndu.+
Kimbangken kain-kain kemah si lit bas ingan ersembahndu si mulia.
Pegedang nali-nali kemahndu, ula tertaren-taren,Janah peteguh pantuk-pantukna.+
3 Sebap ipebelang pagi batas-batasndu ku kanan ras ku kiri.
Rebut keturunenndu pagi bangsa-bangsa,Janah ingani kalak e pagi kota-kota si la iingani.+
4 Ula kam mbiar,+ sebap labo pagi kam ipermelaken.+
Ula akapndu terhina bandu, sebap labo pagi kam ikecewaken.
Lupa pagi kam kerna kai si erban kam mela sanga kam nguda denga,Janah lanai pagi ingetndu maka kam ihina sanga kam janda.”
5 “Sebap Pencipta Si Mulia+ pagi si jadi dilakindu,*+GelarNa eme Jahwe penguasa malekat,Dibata Israel Si Badia kap Si Nebus kam.+
Igelari pagi Ia Dibata i sebelang doni.+
6 Sebap lebuh Jahwe pagi kam tempa-tempa kam ndehara si itadingken si getem pusuhna,+Bagi ndehara si iempoi sanga nguda janah itadingken,” nina Dibatandu.
7 “Ntisik ngenca kam Kutadingken,Tapi Kubaba pagi kam mulihi alu perkuah ate si mbelin.+
8 Ntisik ngenca aku buang muka, sanga merawa kel Aku,+Tapi alu kekelengenKu si setia si seh rasa lalap, mekuah pagi ateKu man bandu,”+ nina Jahwe Si Nebus kam.+
9 “Man bangKu, enda bagi jaman Nuah.+
Bagi sanga ersumpah Aku bas jaman Nuah maka doni lanai pagi itutupi lau,+Ersumpah ka Aku maka lanai Aku merawa man bandu ntah pe Kuhukum kam.+
10 Amin pe pindah gunung-gunung,Janah mugur-ugur bukit-bukit,KekelengenKu si setia labo pagi pindah arah kam nari,+Janah perjanjin dame si Kuban, tetap pagi paguh,”+ nina Jahwe, Dibata si rate mekuah man bandu.+
11 “O diberu si susah,+ si kena badai, janah la iapuli,+Batu-batundu Kutama pagi radu ras aduken semen,Janah batu sapir pagi Kuban jadi pondasindu.+
12 Tembok bas atapndu Kuban pagi arah batu megara si merga,*Gerbang-gerbangndu arah batu si erndilap,Janah kerina batas daerahndu kuban arah batu si merga.
13 Ajari Jahwe pagi kerina anakndu,+Janah dame kel pagi akap kalak e.+
14 Keadilen pagi jadi pondasindu si nteguh.+
Ndauh pagi kam arah penindasen nari,+La pagi kam mbiar kai pe janah la lit si erban kam nggirgir,Sebap si e kerina labo pagi ndeheri kam.+
15 Adi lit si nyerang kam,Si e labo perban perentahKu,Ise pe si nyerang kam, pasti pagi italuken.”+
16 “Aku kap si nciptaken tukang besi,Kalak si ngembus rara api,Bage pe kalak si dahinna erban senjata.
Aku ka nge si nciptaken manusia si maba kehancuren.+
17 Senjata kai pe si iban guna ngelawan kam labo pagi berhasil,+Janah ise pe si nuduh kam bas pengadilen, pasti pagi hukumndu.
Enda me warisen pelayan-pelayan Jahwe,Kuanggap kalak e kalak si benar,” nina Jahwe.+
