Jesaya 55:1-13
55 “O kena kerina si muas,+ rehlah kena, i jenda lit lau!+
O kena si la ersen, rehlah kena, buatlah* janah panlah!
Rehlah kena, buatlah* anggur ras susu,+ la perlu nggalar ras nukur.+
2 Engkai maka tukurken kena sen kena guna nukur kai si labo pangan?
Janah engkai maka keriken kena upah* guna kai si la erban puas?
Tutuslah ate kena megiken Aku, janah panlah kai si mehuli,+Entabeh pagi akap kena man pangan si mehuli.+
3 Begikenlah janah rehlah kena man bangKu.+
Begikenlah gelah tetap kena nggeluh.
Kekelengen si setia si enggo Kujanjiken man Daud e terteki,+ janah Kucidahken ka pagi e man kena.
Emaka Kuban pagi perjanjin si rasa lalap ras kena.+
4 Nenlah! Kuban ia jadi saksi+ man bangsa-bangsa,Peminpin-peminpin+ ras penguasa-penguasa+ man bangsa-bangsa.”
5 Nenlah!* Lebuhndu* pagi sada bangsa si la tandaindu,Kalak arah bangsa-bangsa si la tandaindu kiam pagi ndahi kamGuna Jahwe Dibatandu,+ Dibata Israel Si Badia,Sebap muliakenNa pagi kam.+
6 Daramilah Jahwe paksa banci denga Ia ijumpai.+
Erlebuhlah man baNa paksa Ia ndeher denga.+
7 Mbera-mbera kalak jahat robah arah perbahanenna+
Bage pe arah perukurenna si jahat.
Mbera-mbera mulihken kalak e ku Jahwe, si rate mekuah man bana,+Sebap tuhu-tuhu pagi ampuniNa kalak e.+
8 Nina Jahwe, “Sebap perukuren kena labo perukurenKu,+Janah dalan kena labo dalanKu.
9 Bagi langit ganjangen asangken doni,Bage me dalanKu ganjangen asangken dalan kena,Janah perukurenKu ganjangen asangken perukuren kena.+
10 Sebap bagi udan ras salju si nusur langit nari,Labo mulihken ku je sope lenga litapina doni, ope ibanna sinuan-sinuan ertunas ras turah,Ope lenga berena benih man perjuma ras roti guna ipan,
11 Bage ka me kata-kata si Kubelasken.+
Kerina kata-kataKu labo pagi mulihken man bangKu alu sia-sia,+Tapi lakokenna kerina sura-suraKu,+Janah pasti berhasil ngelakoken kai si Kuperentahken.
12 Ermeriah ukur pagi kena sanga kena lawes,+Janah ibaba pagi kena mulih alu dame.+
Ermeriah ukur pagi gunung-gunung ras bukit-bukit i lebe-lebe kena alu surak ermeriah ukur,+Janah tepuk tan pagi kerina batang kayu si lit i juma.+
13 Batang kayu juniper pagi si nggantiken peren duri,+Janah batang kayu mirtel si nggantiken rambah.
Enda erban Jahwe terkenal,*+Janah jadi tanda si rasa lalap si la pernah bene.”
Cataten i teruh
^ As. “tukurlah.”
^ As. “tukurlah.”
^ Ntah “sen si latih ndatkenca.”
^ Maksudna, Jakup ntah Israel.
^ Mungkin ayat 5-7 eme kata-kata Jesaya.
^ Ntah “erban gelar si merim man Jahwe.”