Jesaya 56:1-12
56 Bagenda nina Jahwe,
“Tegakken keadilen,+ janah lakoken kai si benar,Sebap keselamaten arah Aku nari mis pagi reh,Janah keadilen arah Aku nari teridah nge pagi.+
2 Ermeriah ukur me kalak si ngelakoken si e,Bage pe si terus ndalankenca,Si ndalanken Sabat janah la ibanna najis,+Si jagana tanna gelah la ngelakoken si jahat.
3 Kalak asing si nembah Jahwe,+ ula min nina,‘Pasti pisahken Jahwe pagi aku arah umatNa.’
Bage pe kalak si mandul, ula min nina, ‘Aku bagi batang kayu si kerah.’”
4 Sebap bagenda nina Jahwe man kalak si mandul si ndalanken SabatNa ras si milih guna ngelakoken kai si ngena ateNa, bage pe si ncikep perjanjinNa,
5 “Kubereken pagi man kalak e ingan bas rumahKu janah Kuinget pagi gelar kalak e,Si e ulin asangken ndatken anak dilaki ntah pe diberu.
Kubereken man kalak e gelar si tahan seh rasa lalapSi la banci bene.
6 Tapi kalak asing si nembah Jahwe ras si ngelayani Aku,Si keleng atena gelarKu eme Jahwe+Janah jadi pelayanKu,Kerina si ndalanken Sabat ras la banna e najis,Bage pe si ncikep perjanjinKu,
7 Kubaba ka pagi kalak e ku gunungKu si badia,+Janah Kuban kalak e ermeriah ukur bas rumah pertotonKu.
Persembahen tutungen ras korban persembahen kalak e, ialoken pagi bas ingan nutung* persembahenKu.
Sebap rumahKu igelari pagi rumah pertoton man kerina bangsa.”+
8 Nina Jahwe Tuhan Si Meganjangna, si mpepulung kalak Israel si merap,+
“Selain si enggo ipepulung, Kupepulung ka pagi kalak si deban man bana.”+
9 O kerina binatang liar bas mbalmbal bage pe si lit bas kerangen,+Rehlah kena man.
10 Penjaga-penjagana pentang,+ kerina kalak e la ermediate.+
Kalak e kerina bagi biang si bisu, si la banci ngereng.+
Kesah-kesahen kalak e janahna tayang, medem saja atena lalap.
11 Kalak e bagi biang si rangap,La pernah puas.
Kalak e permakan si la erpengangka.+
Kalak e ngikutken dalanna masing-masing.
Tiap kalak ndarami untung si la jujur janah nina,
12 “Mari, gelah kubuat anggur,Janah ota kita minem seh ngasa mabuk.+
Pagi pe bali nge bagi wari enda, saja ulin wari si pagi!”
