Jesaya 57:1-21
57 Kalak si benar enggo mate,Tapi la lit si mperdiatekenca.
Kalak si setia enggo mate,+Janah la lit si meteh maka kalak si benar enggo mateGelah la ngidah kesusahen.
2 Enggo datna dame.
Kerina si bujur, istrahat bas ingan medemna.*
3 “Tapi kam, o anak dilaki arah diberu si ahli sihir,Anak diberu perlua-lua ras pelacur,Rehlah kam.
4 Ise kin si tawa-tawaindu e?
Man ise kin ipererendu dilahndu janah ipebelangndu babahndu?
La kin kam anak kalak perdosa,Anak kalak perbual?+
5 La kin kam si galang napsuna i teruh batang-batang kayu si galang,+I teruh batang kayu si mbue bulungna,+Si munuh anak-anak i lembah-lembah,*+Bage pe i teruh celah-celah tebing batu?
6 Pilihndu batu-batu si medalit si lit i lembah.*+
E me si pilihndu.
Selain si e, amburkenndu ka persembahen inemen janah berendu persembahen man kalak e.+
Akapndu kin meriah ukurKu* ngidah si e kerina?
7 Sikapkenndu ingan medem i gunung si meganjang,+Janah nangkih kam ku je guna mpersembahken korban.+
8 I belakang pintu ras i kusen pintu, ibanndu tanda peringet-ingeten.
Tadingkenndu Aku janah tilanjangindu bandu.
Nangkih kam janah ibanndu ingan medem si mbelang.
Banndu perjanjin ras kalak e,Meriah kapndu medem ras kalak e,+Janah tatapndu alat kelamin dilaki.*
9 Nusur kam ku Melek* janah babandu minak,Ras melala kel minak wangi.
Suruhndu kalak ku ingan si ndauh,Gelah nusur kam ku Kuburen.*
10 Latih kapndu ngikutken dalanndu si mbue e,Tapi labo nindu, ‘Enda sia-sia!’
Datndu ka mulihi gegeh.
E me sebapna la kam nyerah.*
11 Ise si erban kam nggirgir ras mbiar,Maka mulai kam erbual?+
Labo ingetndu Aku.+
Labo sitik pe perdiatekenndu.+
Perban tetap Aku sinik janah la Kulakoken kai pe*+
La kam mbiar man bangKu.
12 Kucidahken pagi kerina perbahanenndu si ‘benar’+ ras lagu langkahndu,+Janah kerina e labo pagi lit gunana man bandu.+
13 Sanga kam mindo penampat,Kerina berhalandu e labo pagi nelamatken kam.+
Kerina e embusken angin pagi,Alu sekali erkesah.
Tapi kalak si erlindung man bangKu ndatken negri,Janah warisina pagi gunungKu si badia.+
14 Lit pagi si ngataken, ‘Banlah, banlah sada dalan! Sikapkenlah dalan!+
Agui kerina si ngambati bas dalan umatKu.’”
15 Sebap bagenda nina Dibata Si Meganjangna,Si nggeluh* rasa lalap+ janah badia gelarNa,+
“Aku tading bas ingan si meganjang ras badia,+Tapi Aku pe tading ras kalak si ceda pusuhna ras si meteruk ukur,Gelah banci Kuban kalak si meteruk ukur semangat mulihi,Janah Kupepalem pusuh kalak si ceda pusuhna.+
16 Sebap labo pagi lalap Kutentang kalak e,Ntah pe lalap Aku merawa man bana,+Sebap lemah pagi kalak perban Aku,+Janah lemah pagi kerina si erkesah si enggo Kuban.
17 Merawa Aku perban dosana, usahakenna ndatken untung si la jujur,+Kuhukum pagi ia. Buang muka pagi Aku janah merawa Aku.
Tapi lalap ia mberontak+ janah ikutina pusuhna.
18 Enggo Kuidah perbahanenna,Tapi Kupepalem+ ras Kubabai pagi ia.+
Kuapuli ka pagi ia*+ bage pe kalak si erceda ate si lit ras ia.”+
19 Nina Jahwe, “Aku kap si erban kata-kata pujin.
Lalap pagi lit dame bas kalak si ndauh ras si ndeher.+
Janah Kupepalem pagi ia.
20 Kalak jahat bagi laut si ergelombang si la banci tenang,Janah launa lalap maba rumput laut ras kubang.”
21 Nina Dibataku, “La lit dame man kalak jahat.”+
Cataten i teruh
^ Maksudna, bas kuburen.
^ Ntah “terapuli Aku.”
^ Mungkin maksudna nembah berhala.
^ Ntah banci saja “raja.”
^ As. “latih.”
^ Ntah “janah Kubuniken perbahanenndu.”
^ Ntah “tading.”
^ Ntah “Kubere ganti rugi man bana.”
