Jesaya 59:1-21
59 Tan Jahwe labo gendeksa guna nelamatken,+Janah cupingNa labo pasek guna megiken.+
2 Kesalahen kena kap si erban kena sirang arah Dibata.+
Dosa kena kap si erban Ia buang muka,Janah Dibata la nggit megiken kena.+
3 Sebap tan kena enggo kena dareh,+Jari kena enggo kotor perban kesalahen.
Erbual kena,+ janah kataken kena kai si la tuhu.
4 La lit si ngerana guna kai si benar,+Kerina kalak si lawes ku pengadilen, la lit si ngataken si benar.
Tek kalak e man kai si sia-sia+ janah cakapken kalak e kai si la erguna.
Hamil kalak e janah si bas beltekna e masalah, jenari lahirkenna cilaka.+
5 Naper kalak e janah telor nipe si erbisa si itaperken kalak e,Janah itenun kalak e ka asar laba-laba.+
Ise pe si man telor kalak e pasti pagi mate,Adi ipecahken telor e, ndarat nipe si erbisa.
6 Asar laba-laba kalak e la banci jadi paken,La banci tutupi kalak e bana alu perbahanenna.+
Bahaya perbahanen kalak e,Tan kalak e ngelakoken kejahaten.+
7 Meter nahe kalak e ngayaki kai si jahat,Buru-buru kalak e munuh kalak si la ersalah.+
Jahat perukuren kalak e,Kerina si lakoken kalak e erban kalak e hancur ras susah.+
8 La tandai kalak e dalan kedamen,La lit keadilen bas dalan kalak e.+
Pasar galang kalak e lanai pinter,Ise pe si erdalan i je la datna dame.+
9 E me sebapna keadilen ndauh arah kami nari,Janah kai si benar la seh man kami.
Arapken kami sinar, tapi kegelapen ngenca si reh,Arapken kami terang, tapi lalap kami erdalan bas kegelapen.+
10 Cidadap kami ku tembok bagi kalak pentang,Cidadap kami bagi kalak si la lit matana,+Tertuktuk kami sanga ciger wari bagi sanga berngi si gelap,I tengah-tengah kalak si megegeh, kami bagi kalak mate.
11 Lalap kami ndehereng bagi beruang,Ndehereng kami bagi merpati.
Arapken kami keadilen tapi la lit,Arapken kami keselamaten tapi la kami selamat.
12 Lalap kami mberontak i lebe-lebeNdu,+Kerina dosa kami nalahken kami.+
Teh kami pemberontaken kami,Teh kami kesalahen kami.+
13 Ersalah kami janah la akui kami Kam, Jahwe,Pudiken kami Kam, Dibata kami.
Cakapken kami penindasen ras pemberontaken,+Ukuri kami bual janah kusikken kami bual arah pusuh kami nari.+
14 Keadilen terpaksa mundur,+Janah kai si benar* tedis bas ingan si ndauh,+Kai si benar tertuktuk bas lapangen kota,Janah kai si bujur la banci masuk.
15 Kai si benar* enggo lanai lit,+Ise pe si mpedauh kejahaten ijarah.
La meriah ukur Jahwe ngidah si e,Sebap keadilen lanai lit.+
16 IdahNa la lit sekalak pe si nampati.
Sengget Ia perban sada pe la lit si jadi penengah.
Emaka kuasaNa si maba keselamaten,*Janah keadilenNa ngiahken Ia ertindak.
17 PakeNa keadilen bagi baju perang,PakeNa pelindung takal eme keselamaten.*+
PakeNa baju pembalasen,+Janah semangatNa bagi jubah si nutupi Ia.
18 BalasNa perbahanen kalak e.+
Gejapken musuh-musuhNa ras imbang-imbangNa pagi rawaNa ras hukumen si berekenNa,+Penduduk si lit bas pulau pe ndatken pembalasen si seri.
19 Kalak si lit bas ingan matawari terbenam, mbiar pagi man gelar Jahwe,Kalak si lit bas ingan matawari terbit, mbiar pagi man kemulianNa,Sebap alu kesahNa si badiaReh pagi Jahwe bagi lau maler si deras.
20 Nina Jahwe, “Si Nebus e reh pagi+ man Sion,+Man keturunen Jakup si nadingken pelanggaren.”+
21 “Tapi Aku, enda kap perjanjinKu ras kalak e,”+ nina Jahwe. “KesahKu si badia lit pagi bas kam janah kata-kataKu si Kutamaken bas babahndu, la pagi ibuat arah babahndu nari, arah anak-anakndu, ntah arah kempu-kempundu nari, gundari nari seh rasa lalap,” nina Jahwe.
