Jesaya 61:1-11
61 Kesah Jahwe, Tuhan Si Meganjangna lit i bas aku,+Perban pilih Jahwe aku guna mberitaken berita si meriah man kalak si meteruk ukur.+
SuruhNa aku mbaluti luka kalak si getem pusuhna,Mberitaken kebebasen man kalak si itaban,Ras mberitaken maka kalak si ipenjara erpengidah pagi mulihi,+
2 Guna ngumumken tahun kiniulin JahweRas wari pembalasen Dibatata,+Guna ngapuli kerina si erceda ate,+
3 Guna mereken persedian man kalak si rate ceda perban Sion,Guna mereken penutup takal si mejile ganti abu,Minak si erban meriah ukur ganti ceda ate,Janah baju pujin ganti ndele ate.
Ikataken pagi kalak e batang kayu kebenaren si mbelin,Sinuan-sinuan Jahwe guna erban Ia mulia.+
4 Bangun kalak e pagi mulihi ingan-ingan si enggo hancur,Pajekken kalak e pagi ingan-ingan si mbarenda la iingani,+Pehuli kalak e pagi kota-kota si hancur,+Ingan-ingan si la iingani arah jaman ku jaman.+
5 “Kalak si la itandai pagi si reh janah mpermakani biri-biri kena,Kalak asing+ pagi si mperjumai juma kena ras si jadi tukang kebun anggur kena.+
6 Tapi kena ikataken pagi imam-imam Jahwe,+Lebuh kalak e pagi kena pelayan-pelayan Dibatata.
Pan kena pagi kebayaken bangsa-bangsa,+Janah banggaken kena kemulian* kalak e.
7 UmatKu labo pagi ipermelaken, tapi datna baginna dua kali lipat,Labo pagi kalak e ipeteruk, tapi ermeriah ukur janah ersurak pagi ia perban baginna.
Datna pagi baginna dua kali lipat bas negrina.+
Ermeriah ukur pagi kalak e rasa lalap.+
8 Sebap Aku, Jahwe, ngena ateKu keadilen,+Segat ateKu perampoken ras kai si la benar.+
Setia pagi Aku janah Kubereken upah kalak e,Kuban pagi perjanjin seh rasa lalap ras kalak e.+
9 Keturunen kalak e itandai pagi i tengah bangsa-bangsa,+Anak-anak ras kempu-kempu kalak e i tengah suku-suku bangsa.
Kerina si ngidah kalak e nandai kalak e,Maka kalak e keturunen si ipasu-pasu Jahwe.”+
10 Meriah kel pagi ukurku perban Jahwe.
Meriah pagi kuakap perban Dibataku.+
Sebap enggo bajuiNa aku alu paken keselamaten,+BalutiNa aku alu jubah kebenaren,Bagi penganten si dilaki si make penutup takal si bali bagi jang imam,+Bagi penganten si diberu si pejilena bana alu perhiasenna.
11 Bagi doni si erban benih turah,Bagi kebun si erban turah kai pe si isuan i je,Bage me pagi Jahwe Tuhan Si MeganjangnaErban kebenaren+ ras pujin turah+ i lebe-lebe kerina bangsa.
Cataten i teruh
^ Ntah “kebayaken.”
