Jesaya 63:1-19
63 Ise kin enda si rehna arah Edom,+Si reh arah Bosra+ janah cerah* warna bajuna?
Ise kin enda si bajuna mehagaSi maju alu kuasana si mbelin?
“Aku kap e, Dibata si ngataken kai si benar,Dibata si mbelin kuasaNa guna nelamatken.”
2 Engkai maka megara warna bajuNdu?
Engkai maka bajuNdu bagi baju kalak si merjaki ingan meras anggur?+
3 “Sisada Aku merjaki ingan anggur.
La lit sada pe arah bangsa-bangsa si ikut ras Aku.
Merawa Aku, lalap Kuperjaki.
Ngilas ateKu, lalap Kuperjaki.+
Mbincar dareh kalak e ku bajuKu,Kotor Kuban kerina bajuKu.
4 Enggo Kutetapken wari pembalasen,+Enggo seh tahun guna nebus umatKu.
5 Kunen, tapi la lit si nampati Aku,Sengget Aku, perban la lit si mereken dukungen.
Emaka tanKu si maba keselamaten,*+Ras rawaKu si ndukung Aku.
6 Kuperjaki bangsa-bangsa perban rawaKu,Kuban kalak e mabuk perban rawaKu+Ras Kuamburken dareh kalak e ku taneh.”
7 Kukataken pagi kerna kekelengen Jahwe si setia,Perbahanen Jahwe si patut ipuji,Perban kerina si lakoken Jahwe man banta.+
Melala kel si lakokenNa man kalak Israel,Bali bagi perkuah ateNa ras kekelengenNa si mbelin si setia.
8 KatakenNa, “Situhuna kalak e kap umatKu, anak-anak dilaki si setia pagi.”+
Emaka Ia pagi Si Nelamatken kalak e.+
9 Sanga susah kalak e, Ia pe susah akapNa.+
Malekat si lit i lebe-lebeNa reh nelamatken kalak e.+
Perban kekelengenNa ras perkuah ateNa, tebusNa kalak e,+Janah mbarenda, angkatNa ras babaNa kalak e.+
10 Tapi mberontak kalak e+ janah sedih iban kalak e kesah si badiaNa.+
Kenca si e, berubah Ia jadi musuh kalak e,+Janah lawanNa kalak e.+
11 Mulai inget-inget kalak e kai si enggo lewat,Masa-masa sanga Musa pelayanNa nggeluh denga, nina kalak e,
“I ja Dibata si maba kalak e arah laut nari+ radu ras permakan rarasenna?+
I ja Dibata si mereken kesahNa si badia man Musa?*+
12 I ja Dibata si megegeh tanNa guna nampati tan kanan Musa?+
I ja Dibata si mbelah lau si lit i lebe-lebe kalak e+Guna erban gelarNa itandai seh rasa lalap?+
13 I ja Dibata si erban kalak e erdalan nyebrangi laut si ergeruhguh,*Si erban kalak e banci erdalan janah la tertuktuk,Bagi kuda i taneh mesawang?*
14 Kesah si badia Jahwe erban kalak e istrahat,+Bagi asuh-asuhen si nusur ku lembah.”
Bage me Kam mabai umatNduGuna erban gelarNdu si mulia itandai kalak.+
15 Tataplah ku teruh arah surga nari,Arah inganNdu tading si meganjang, mulia, ras badia.
I ja semangatNdu ras gegehNdu,KekelengenNdu+ ras perkuah ateNdu si mbelin?+
Tahan-tahanNdu kerina e arah aku nari.
16 Kam kap Bapak kami,+Amin pe Abraham mungkin la nandai kami,Janah Israel la ngakui kami,O Jahwe, Kam kap Bapak kami.
Si Nebus kami mbarenda nari.+
17 O Jahwe, engkai maka pediatNdu* kami nilah arah dalanNdu?
Engkai maka pediatNdu* mekeng ukur kami, si erban la kami mbiar man baNdu?+
Mulihlah guna pelayan-pelayanNdu,Guna suku-suku si jadi warisenNdu.+
18 Ntisik saja ngenca umatNdu si badia tading i je.
Enggo perjaki imbang-imbang kami ingan si badiaNdu.+
19 Sebap enggo ndekahsa kami bagi kalak si la pernah iperentahNdu,Bagi kalak si la pernah ilebuh alu gelarNdu.
Cataten i teruh
^ Ntah banci saja “megara.”
^ Ntah “kemenangen.”
^ As. “bana.”
^ Ntah “lau si mbages.”
^ Taneh si mbelang si jarang iingani.
^ As. “banNdu.”
^ As. “banNdu.”
