Jesaya 64:1-12
64 Sanga rigatkenNdu langit janah nusur Kam,Mugur-ugur gunung-gunung perban Kam,
2 Bagi sanga api nutung peren duri,Bage pe api si erban lau luam,Tandai musuh-musuhNdu pagi gelarNdu,Janah nggirgir pagi bangsa-bangsa i lebe-lebeNdu!
3 Sanga lakokenNdu kai si luar biasa, si la kami pang ngarapkenca,+Nusur Kam, janah mugur-ugur gunung-gunung i lebe-lebeNdu.+
4 Mbarenda nari la lit si megiken ras si mperdiateken,La lit si ngidah Dibata si bagi Kam,Si ertindak guna kalak si lalap ngarap man baNa.*+
5 JumpaiNdu kalak si meriah ukurna ngelakoken si benar,+Si ingetna Kam janah ikutkenna dalan-dalanNdu.
Merawa Kam sanga kami lalap erban dosa,+Janah ndekah kami ngelakoken si e.
Patut kin kami iselamatken gundari?
6 Kami bagi kalak si najis,Kerina perbahanen kami si benar bagi kain si kena dareh haid.+
Melus pagi kami kerina bagi bulung-bulung,Janah kesalahen kami maba kami bagi angin si maba kami lawes.
7 La lit si ngelebuh gelarNdu,La lit si usahakenna ndatken penampatNdu,Sebap enggo buang muka Kam arah kami nari,+Janah banNdu kami kernep perban kesalahen kami.
8 Tapi gundari o Jahwe, Kam kap Bapak kami.+
Taneh liat kap kami janah Kam kap Si Mbentuk* kami,+Pendahin tanNdu kap kami kerina.
9 O Jahwe, ula Kam merawasa,+Ula nai ingetNdu kesalahen kami seh rasa lalap.
Mindo kami, tataplah kami, sebap umatNdu kap kami kerina.
10 Kota-kotaNdu si badia enggo jadi taneh mesawang.*
Sion enggo jadi taneh mesawang,Jerusalem enggo jadi ingan si gersang.+
11 Rumah pertoton kami si badia ras mulia,Ingan nini bulang kami muji Kam,Enggo itutung api,+Janah kerina barang kami si merga enggo hancur.
12 Ngidah si e kerina, lalap denga nge Kam kem, o Jahwe?
Lalap denga nge Kam sinik janah pediatNdu kami susah kel?+
Cataten i teruh
^ Ntah “si sabar nimai Ia.”
^ Ntah “Tukang Kudin.”
^ Taneh si mbelang si jarang iingani.
