Jesaya 7:1-25
7 Bas jaman Raja Ahas+ anak Jotam anak Ussia raja Juda, Resin raja Siria ras Pekah+ anak Remalia raja Israel reh guna erperang ngelawan Jerusalem. Tapi la ia* ngasup nalukenca.+
2 Ipeseh me laporen man keturunen Daud, isina, “Enggo sekongkol Siria ras Eperaim.”
Emaka mbiar janah nggirgir Ahas ras rakyatna, bagi batang kayu i kerangen si mugur-ugur iembus angin.
3 Kenca si e nina Jahwe man Jesaya, “Laweslah kam njumpai Ahas. Lawes kam ras Sear Jasup* anakndu si dilaki.+ Jumpai Ahas i deher paleren lau Kolam Atas,+ si lit i pasar galang si nuju ku ingan tukang cuci.
4 Arus katakenndu man bana, ‘Ula kam mbiar. Tenanglah kam janah ula kam kuatir perban dua kayu si rasap e, perban rawa Resin raja Siria bage pe anak Remalia.+
5 Enggo sekongkol Siria ras Eperaim bage pe anak Remalia guna ncilakai kam, nina,
6 “Ota siserang Juda, jenari sihancurken* ras sitaluken.* Ota siban anak Tabeel jadi rajana.”+
7 “‘Bagenda nina Jahwe Tuhan Si Meganjangna,
“Si e labo pagi berhasil,Si e labo pagi terjadi.
8 Sebap ibu kota Siria eme Damaskus,Janah raja Damaskus eme Resin.
Bas waktu 65 tahun,Merap pagi Eperaim janah lanai banci jadi sada bangsa.+
9 Ibu kota Eperaim eme Samaria,+Janah raja Samaria eme anak Remalia.+
Adi la paguh kiniteken kena,Labo banci kena selamat.”’”
10 Nina Jahwe ka man Ahas,
11 “Pindolah tanda arah Aku nari, Jahwe Dibatandu.+ Tanda e banci bagesna bagi Kuburen* janah ganjangna bagi langit.”
12 Tapi nina Ahas, “La aku nggit mindo tanda. La aku nggit nguji Jahwe.”
13 Jenari nina Jesaya, “O keturunen Daud, begikenlah. La kin bias kena nguji kesabaren manusia? Arus ka kin uji kena kesabaren Dibata?+
14 Emaka bereken Jahwe pagi sada tanda man kena: Hamil pagi singuda-nguda e janah lahirkenna sekalak anak dilaki,+ janah banna pagi gelarna Imanuel.*+
15 Panna pagi mentega ras madu sanga enggo tehna uga cara nulak kai si jahat ras milih kai si mehuli.
16 Ope lenga teh anak e nulak kai si jahat ras milih kai si mehuli, negri si iperentah dua raja si erban kam mbiar e tuhu-tuhu pagi itadingken.+
17 Ban Jahwe pagi kam, bangsandu, ras keluarga bapakndu ngenanami kai si lenga pernah terjadi mulai kin Eperaim sirang arah Juda nari.+ KirimNa pagi raja Assur guna nyerang kam.+
18 “Bas wari e, ersiul pagi Jahwe ngelebuh lebah i negri Assur bage pe laneng arah Lau Nil nari, si lit bas ingan si ndauh.
19 Reh pagi laneng e ras lebah e janah tading i lembah-lembah* si mbages, bas celah-celah gunung batu, bas kerina peren duri bage pe bas kerina mbalmbal.*
20 “Bas wari e, pake Jahwe pagi piso cukur si isewa arah daerah Lau Eprat, eme raja Assur,+ guna ncukur takal ras mbulu nahe penduduk Juda. Janggut pe icukur pagi kerina.
21 “Bas wari e, sekalak jelma ngasuhi sada lembu si nguda denga ras dua kambing ngenca.
22 Perban melala kel susu, mentega pagi panganina. Kerina kalak si tading bas negri e man mentega ras madu.
23 “Bas wari e, kerina ingan si mbarenda isuani 1.000 batang anggur si ergana 1.000 logam pirak, dungna peren duri ras rambah nari ngenca i je.
24 Lawes pagi kalak ku je maba busur panah ras anak panah, perban kerina negri e dem peren duri ras rambah.
25 Lanai pagi kam pang ndeher ku daerah pegunungen si mbarenda iperjumai, perban peren duri ras rambah pagi kerina i je. Kerina daerah e jadi ingan lembu ras biri-biri nggagat.”
Cataten i teruh
^ Ntah banci saja “kalak e.”
^ Ertina “Sada Kelompok si Kitik Ngenca si Mulih.”
^ Ntah banci saja “sipebiar-biar.”
^ Ntah “siterobos tembokna.”
^ Ertina “Dibata Ras Kita.”
^ Ntah “ingan si erlau.”
