Jesaya 8:1-22
8 Nina Jahwe man bangku, “Buatlah sada batu si mbelang+ ras sada pulpen biasa, jenari tulis bas batu e, ‘Maher-syalal-has-bas.’*
2 Kusahken ateKu tulisen e alu saksi-saksi si setia eme Imam Uria+ ras Sakaria anak Jeberekia.”
3 Kenca si e erhubungen seks aku ras diberuku, ia sekalak nabiah. Jenari hamil ia janah lahirkenna sekalak anak dilaki.+ Nina Jahwe man bangku, “Ban gelar anak e Maher-syalal-has-bas.
4 Ope lenga beluh anak e ngataken, ‘Pak!’ ras ‘Mak!’ kerina kebayaken Damaskus ras barang jarahen Samaria ibaba pagi ku lebe-lebe raja Assur.”+
5 Ngerana ka Jahwe man bangku, nina,
6 “Perban tulak bangsa enda lau Siloa* si tenang perpalerna,+Janah meriah ukurna nandangi Resin ras anak Remalia,+
7 Nenlah! Serang Jahwe pagi kalak eAlu Lau Eprat si galang ras deras,Eme raja Assur+ ras pasukenna si megegeh.
Banjir pagi kerina lau perban lau e,Lewatina pagi kerina tepi-tepina,
8 Seh pagi lau e ku Juda.
Bali pagi ia bagi banjir si nangkih seh ku kerahung,+Kimbangkenna pagi kabengna nutupi kerina negrindu,O Imanuel!”*+
9 O bangsa-bangsa, cubakenlah ncilakai kalak e, tapi ihancurken pagi kena.
Begikenlah, o kerina si reh arah ujung-ujung doni!
Ersikaplah guna erperang, tapi kena ihancurken pagi!+
Ersikaplah guna erperang, tapi kena ihancurken pagi!
10 Banlah rencana, tapi gagal nge pagi e!
Kataken kai pe atendu katakenndu, tapi labo pagi berhasil,Sebap Dibata kap ras kami!*+
11 Tan Jahwe si megegeh si nagangi aku janah ngerana Ia mpersingeti aku gelah la kuikutken dalan bangsa e. Nina,
12 “Si kataken bangsa e ersekongkol, ula kataken kena ersekongkol!
Ula kena mbiar man kai si erban kalak e mbiar.
Ula kena nggirgir perban si e.
13 Jahwe penguasa malekat ngenca si arus anggap kena badia,+Arus kena mbiar man baNa,Janah man baNa saja kena arus nggirgir perban biarna.”+
14 Jadi ingan si badia pagi Ia,Tapi man duana keturunen Israel,Ia bagi batu si nyerangRas bagi batu si erban tertuktuk.+
Man penduduk Jerusalem,Ia bagi jerat ras siding.
15 Enterem pagi si tertuktuk, ndabuh, janah luka-luka,Kena jerat pagi kalak e ras kena siding.
16 Simpanlah tulisen* e,Buniken undang-undang* e bas murid-muridku!
17 Lalap pagi kuarapken* Jahwe,+ si buang muka man keturunen Jakup.+ Lalap pagi kuarapken Ia.
18 Enda aku ras anak-anak si bereken Jahwe man bangku.+ Kami kap jadi tanda+ ras mukjizat bas Israel arah Jahwe penguasa malekat, si tading i Gunung Sion.
19 Adi suruh kalak kena nungkun man kalak si beluh ngelebuh begu kalak mate ntah pe man peramal si erkusik-kusik janah cengamen, nggit nge kena ngelakoken si e? La kin sada bangsa arusna nungkun man Dibatana? Arus kin kalak e nungkun man kalak mate guna kepentingen kalak si nggeluh?+
20 Arusna darami kalak e petunjuk arah undang-undang bage pe arah tulisen si isahken e!
Sanga ngerana kalak e la menurut kata-kata Dibata, la lit terang bas kalak e.+
21 Lewati kalak e pagi negri e bas keadaan si susah ras melihe.+ Perban melihe ras merawa, sumpahi kalak e rajana ras Dibatana janahna natap ku langit.
22 Kenca si e, inen kalak e ku doni janah enda ngenca si idahna: kesusahen, kegelapen, gulut ukur, masalah, ate ceda, ras la lit terang.
Cataten i teruh
^ Mungkin maksudna “Meter Kiam ku Ingan Jarahen, Meter Kiam ku Ingan Rampasen.”
^ Gelar saluren lau.
^ Ntah “kata-kata si isahken.”
^ Ntah “petunjuk.”
^ Ntah “kutimai.”
