Joel 1:1-20
1 Reh kata Jahwe man Joel* anak Petuel,
2 “O peminpin-peminpin, begikenlah.
O kerina penduduk negri* enda, perdiatekenlah.
Pernah kin si bagenda terjadi bas jaman kena,Ntah bas jaman nini bulang kena?+
3 Ceritakenlah kerna si e man anak-anak kena,Gelah banci ceritakenna man anak-anakna,Ras ceritaken anak-anakna e ka man keturunenna si seterusna.
4 Sinuan-sinuan si la ipan labang si meter kel man, ipan labang si seh kel lalana.+
Si la ipan labang si seh kel lalana, ipan labang si la erkabeng.
Janah si la ipan labang si la erkabeng, ipan labang si rangap.+
5 O pemabuk,+ medakkenlah ras ngandungkenlah!
O peminem-minem anggur, meganglah kena ngandung!
Sebap lau anggur si ntebu enggo ibuat arah babah kena nari.+
6 Negriku enggo iserang labang si seh kel lalana, bagi sada bangsa si megegeh ras la terkira buena.+
Ipenna bagi ipen singa,+ rahangna bagi rahang singa.
7 Cedaina batang anggurku, batang araku ibanna tading tongkehna nari.
Kerina kulit batang anggur ras batang ara enggo kulitina ras ambekkenna,Piah enggo mbentar cabang-cabangna.
8 Meganglah ngandung bagi singuda-nguda si make kain guni,Si erceda ate perban mate tunangenna.*
9 Lanai lit persembahen pangan*+ ras persembahen inemen+ bas rumah Jahwe.
Imam-imam si ngelayani Jahwe sangana erceda ate.
10 Juma-juma enggo ceda, taneh erceda ate.+
Sebap biji-bijin* enggo ceda, anggur si mbaru lanai lit, ras minak enggo keri.+
11 Mela akap perjuma-juma, tukang kebun anggur pe nderkuh.
Enda perban gandum ras barli,Perban enggo keri hasil rani arah juma.
12 Batang anggur enggo kerah,Batang ara enggo melus.
Batang delima, batang kurma, ras batang apel,Bage pe kerina batang kayu si lit i juma enggo kerah.+
Enggo bene keriahen ukur kalak.
13 O imam-imam, pakelah kain guni* janah ngandunglah.*
O kalak si ngelayani bas ingan nutung* persembahen,+ nderkuhlah.
O kalak si ngelayani Dibataku, masuklah kena, erberngilah make kain guni,Sebap lanai lit persembahen pangan+ ras persembahen inemen+ bas rumah Dibata kena.
14 Umumkenlah puasa. Umumkenlah perpulungen si istimewa.+
Pepulunglah peminpin-peminpin radu ras kerina penduduk negri eKu rumah Jahwe Dibata kena,+ lebuhlah Jahwe guna mindo penampat.
15 Cilaka! Wari Jahwe enggo ndeher!+
Reh me wari e!
Bas wari e, iban Si Madakuasa pagi pengkernepen!
16 Pangan enggo ibuat arah lebe-lebe matata nari.
Lanai lit keriahen ukur ras kesenangen arah rumah Dibatata nari.
17 Kerina benih* enggo lanai erguna.
Gudang-gudang lanai iurus.
Lumbung-lumbung enggo iruntuhken sebap biji-bijin enggo kerah.
18 Asuh-asuhen pe nderkuhen!
Rarasen lembu lawes ku jah ku je perban lanai lit mbalmbal!
Rarasen biri-biri pe rate mesui.
19 O Jahwe, erlebuh pagi aku man baNdu,+Sebap dukut i taneh mesawang* enggo keri ipan api.
Kerina batang kayu i juma pe enggo keri ipan api.
20 Binatang liar pe ngarapken penampatNdu,Sebap lau maler enggo kerah,Dukut i taneh mesawang* pe enggo keri ipan api.”
Cataten i teruh
^ Ertina “Jahwe kap Dibata.”
^ Ntah “doni.”
^ Ntah “dilakina.”
^ As. “iketlah awakndu.”
^ Ntah “janah pekpekilah tentenndu.”
^ Ntah banci saja “Buah ara si kerah.”
^ Taneh si mbelang si jarang iingani.
^ Taneh si mbelang si jarang iingani.
