Joel 2:1-32
2 “Embuslah trompet tanduk i Sion!+
Surakkenlah surak-surak perang i gunungKu si badia.
Pediatlah nggirgir kerina penduduk negri e,*Sebap reh me wari Jahwe!+ Wari e enggo ndeher!
2 Wari e wari si gelap janah seh kel ngerina,+Wari si mendung janah seh kel gelapna,+Bagi sinar matawari erpagi-pagi si tutupi gunung-gunung.
Lit sada bangsa si mbelin janah megegeh.+
Lenga pernah lit bangsa si bage,Janah lanai pernah litArah jaman ku jaman.
3 Kerina si lit i lebe-lebe kalak e pan api,Kerina si lit i pudi kalak e pan api si seh kel garana.+
Taneh si lit i lebe-lebe kalak e bagi Taman Eden,+Tapi taneh si lit i pudi kalak e bagi taneh mesawang,*Janah la lit si banci selamat.
4 Rupa kalak e bagi kuda,Kiam kalak e bagi kuda perang.+
5 Sanga kalak e lompat ku gunung-gunung, sora kalak e bagi gereta-gereta,+Bagi nggala* si keri ipan api si gara.
Kalak e bagi kalak si megegeh bas barisen perang.+
6 Mesui kel pagi akap bangsa-bangsa perban kalak e.
Mbiar pagi ayo kerina kalak.
7 Kalak e nyerang bagi pejuang,Inangkihi kalak e tembok bagi prajurit.
Pinter perdalan kalak e ku lebe,La kalak e nilah bas dalanna nari.
8 Kalak e la sisorong-sorongen.
Masing-masing maju bas dalanna.
Adi lit si mate kena panah,Si deban terus maju ngikutken barisen.
9 Masuk kalak e ku bas kota, serbuna kota e, kiam kalak e i datas tembok.
Nangkihi kalak e rumah-rumah, masuk kalak e arah jendela bagi pinangko.
10 I lebe-lebe kalak e, nggirgir taneh janah mugur-ugur langit.
Matawari ras bulan jadi gelap,+Bintang-bintang pe lanai ersinar.
11 Megang ban Jahwe soraNa i lebe-lebe pasukenNa,+ sebap pasukenNa seh kel teremna.+
Megegeh kap Ia si erban kata-kataNa terjadi.
Wari Jahwe seh kel belinna janah luar biasa kel.+
Ise kin si ngasup nahankenca?”+
12 Nina Jahwe, “Emaka gundari, mulihlah man bangKu alu bulat ukur,+Alu erpuasa+ janah tangis ras ngandung.
13 Rigatken pusuh kena,+ labo uis kena,+Mulihlah ku Jahwe Dibata kena,Sebap Ia perkuah, mehuli, la mis merawa+ ras mbelin kekelengenNa si setia,+Berubah pikiren* pagi Ia kerna bencana e.
14 Mbera-mbera ubahNa keputusenNa janah berubah pikiren* Ia,+Kenca si e pasu-pasuNa kena,Gelah banci bereken kena persembahen pangan* ras persembahen inemen man Jahwe Dibata kena.
15 Embuslah trompet tanduk i Sion!
Umumkenlah puasa. Umumken perpulungen si istimewa.+
16 Pepulunglah kalak e. Pebadiaken kalak e.+
Pepulung kalak si enggo metua.* Pepulung anak-anak bage pe bayi si ipepinemken* denga.+
Pediatlah penganten si dilaki ndarat arah kamarna, bage pe penganten si diberu ndarat arah kamarna.
17 Antara teras ras ingan nutung* persembahen,+Pediatlah imam-imam si ngelayani Jahwe ngandung janah ngataken,
‘O Jahwe, mekuah min ateNdu umatNdu.
Ula min sempat umatNdu ihina,Ula min pediat umatNdu ikuasai bangsa-bangsa si deban.
Ula min nina bangsa-bangsa e, “I ja Dibata kalak e?”’+
18 Lindungi Jahwe pagi* negriNa.
CidahkenNa perkuah ateNa man umatNa.+
19 Jawap Jahwe pagi umatNa,
‘Gundari Kubere man kena biji-bijin* ras anggur si mbaru bage pe minak,Besur pagi kena.+
Lanai pagi Kuban kena ihina bangsa-bangsa si deban.+
20 Kalak si arah utara Kupedauh pagi arah kena.
Kuban pagi kalak e merap ku negri si gersang janah la iurus,Barisen si arah lebe* pengalana ku laut sebelah timur*Barisen si arah pudi pengalana ku laut sebelah barat.*
Bau macik pagi kalak e,Bauna seh ku japa pe,+Sebap lakoken Dibata pagi kai si luar biasa.’
21 O negri, ula mbiar.
Ersurak janah ermeriah ukurlah, sebap lakoken Jahwe pagi kai si mbelin.
22 O binatang liar i mbalmbal, ula mbiar,Sebap meratah pagi dukut-dukut i taneh mesawang,*+Erbuah pagi batang-batang kayu.+
Melala kel pagi buah batang ara ras batang anggur.+
23 O penduduk Sion, ersurak janah ermeriah ukurlah perban kai si nandangi lakoken Jahwe.+
Sebap berekenNa pagi cukup udan bas musim gugur,PenusurNa udan si meder man kena,Udan bas musim gugur bage pe udan bas musim semi,* bagi si enggo-enggona.+
24 Dem pagi ingan ngerik* alu biji-bijin si enggo bersih,Mamburen pagi anggur arah ingan meras anggur ras minak arah ingan meras minak.+
25 Kuganti pagi kerugin kena bas tahun-tahun e,Eme kai pe si ipan labang si seh kel lalana, labang si la ersayap, labang si rangap, ras labang si meter kel man,Eme pasuken si mbelin si enggo Kukirim ku tengah-tengah kena.+
26 Pasti pagi kena man seh ngasa besur,+Puji kena pagi gelar Jahwe Dibata kena,+Si enggo ngelakoken kai si luar biasa guna kepentingen kena.
UmatKu lanai pagi ipermelaken.+
27 Teh kena pagi maka Aku lit i tengah-tengah Israel,+Aku kap Jahwe Dibata kena,+ la lit si deban!
UmatKu lanai pagi ipermelaken.
28 Kenca si e, Kucurcurken pagi kesah si badiaKu+ man erbage jelma.
Ernubuat pagi anak-anak kena si dilaki ras si diberu,Kalak si metua i tengah-tengah kena dat nipi,Kalak si nguda denga i tengah-tengah kena ngidah pengenehenen.*+
29 Man budak-budakKu si dilaki ras si diberu pe,Kucurcurken pagi kesah si badiaKu bas masa e.
30 Kuban pagi kai si luar biasa* i langit ras i doni,Lit pagi dareh ras api bage pe asap si mekapal.+
31 Gelap pagi matawari janah bulan megara bagi dareh,+Kenca si e, reh pagi wari Jahwe si mbelin ras luar biasa.+
32 Ise pe si erlebuh man gelar Jahwe, iselamatken pagi.+
I datas Gunung Sion bage pe i Jerusalem lit pagi kalak si selamat,+ bagi si kataken Jahwe,Eme kalak si ilebuh Jahwe.”
Cataten i teruh
^ Ntah “doni.”
^ Taneh si mbelang si jarang iingani.
^ Ntah “jerami.”
^ Ntah “Menyesal.”
^ Ntah “Menyesal.”
^ Ntah “Pepulung peminpin-peminpin.”
^ Ntah “si ibere ASI.”
^ As. “Semangat pagi Jahwe man.”
^ As. “Ayo kalak e.”
^ Maksudna, Laut Mati.
^ Maksudna, Laut Tengah.
^ Taneh si mbelang si jarang iingani.
^ Eme kerna kai pe si cidahken Dibata ku bas pikiren sekalak jelma.
^ Ntah “pagi tanda-tanda.”
