Johanes 12:1-50
12 Enem wari sope Perayan Paskah, seh Jesus i Betani, kuta Lasarus+ si enggo pekeke Jesus arah si mate nari.
2 Emaka sikapken kalak e man berngi guna Jesus i je. Sanga Marta ngelai,*+ Lasarus ras si debanna ikut man ras Jesus.
3 Buat Maria minak wangi eme narwastu asli si merga, lit kira-kira setengah liter* buena. Curcurkenna minak e ku nahe Jesus, elapna nahe Jesus alu bukna. Emaka merim rumah e.+
4 Tapi sekalak murid Jesus, eme Judas Iskariot,+ si ntisik nari hianatina Jesus, ngerana,
5 “Engkai maka la dayaken saja minak wangi si ergana 300 dinar* e, janah bereken senna man kalak mesera?”
6 Si enda katakenna labo perban mekuah atena kalak mesera, tapi perban pinangko ia. Ia kap si njemak kotak sen, rusur tangkona sen arah kotak e.
7 Nina Jesus, “Pediat saja ia, gelah banci banna persikapen guna wari penguburenku.+
8 Sebap kalak mesera lalap nge ras kena,+ tapi aku labo lalap ras kena.”+
9 Enterem kalak Jahudi megi berita maka Jesus lit i Betani. Emaka reh kalak e ku je, labo guna ngenen Jesus saja, tapi ngenen Lasarus ka, si enggo ipekeke arah si mate nari.+
10 Gundari, arih-arih imam-imam kepala gelah Lasarus pe ibunuh,
11 sebap perban ia, enggo enterem kalak Jahudi lawes ku je janah erkiniteken man Jesus.+
12 Paginna, kalak si enterem si reh ku perayan e megi maka Jesus enggo bas perdalanen ku Jerusalem.
13 Emaka buat kalak e bulung batang kurma, lawes kalak e ku darat njumpai Jesus, janahna ersurak, “Tolong selamatkenlah! Ipasu-pasu me ia si reh bas gelar Jahwe!*+ Ipasu-pasulah Raja Israel!”+
14 Sanga dapeti Jesus sada kelede si nguda denga, kundul ia i datas kelede e,+ bagi si lit tertulis,
15 “O Sion, ula mbiar. Nenlah! Reh rajandu man bandu, kundul ia i datas kelede si nguda denga.”+
16 Tangtangna labo angka murid-muridna kerna si e, tapi sanga Jesus imuliaken,+ inget kalak e maka kai si lakoken jelma si enterem e bali ras kai si itulis kerna Jesus.+
17 Enterem kalak si ngidah sanga Lasarus ilebuh Jesus ndarat bas kuburen nari,+ sanga ipekekena ia arah si mate nari. Lalap kalak e ersaksi kerna kejadin e.+
18 Perban si e ka maka enterem kalak ndahi Jesus, perban begi kalak e enggo ban Jesus mukjizat e.
19 Emaka ngerana kalak Parisi man sada ras si debanna, “Kerina usahata sia-sia. Kerina doni enda enggo jadi pengikutna.”+
20 Paksa si e, lit piga-piga kalak Junani si reh guna nembah Dibata bas perayan e.
21 Ngerana kalak e man Pilipus,+ si rehna arah Betsaida i Galilea nari, mindo kalak e bana, nina, “O Pa, jumpa te kami ras Jesus.”
22 Emaka, kataken Pilipus kerna si e man Andreas. Jenari, kataken Andreas ras Pilipus man Jesus.
23 Nina Jesus man kalak e, “Enggo seh waktuna Anak manusia imuliaken.+
24 Situhuna kukataken man kena, adi la ndabuh sada biji gandum ku taneh janah mate, tetap nge ia sada biji gandum. Tapi adi enggo mate biji gandum e,+ melala ka buah si ihasilkenna.
25 Ise pe si engkelengi geluhna, kebenen geluhna pagi. Tapi ise pe si nggit kebenen* geluhna+ i doni enda, selamatkenna geluhna gelah ngaloken kegeluhen si rasa lalap.+
26 Ise pe si nggit ngelayani aku, arus ikutkenna aku. Ku japa pe aku lawes, ku je me ia.+ Ise pe si nggit ngelayani aku, ihamati Bapak nge ia.
27 Gundari latih kel ukurku.+ Uga nge ningku? O Bapak, selamatken min aku arah kiniseran enda.+ Memang, guna si enda nge aku reh.
28 O Bapak, muliakenlah gelarNdu.” Kenca si e, terbegi sora+ i langit nari, “Enggo Kumuliaken janah terus denga Kumuliaken.”+
29 Kalak si enterem si tedis i je megi sora e janah katakenna e sora lenggur. Si debanna ka ngataken, “Lit malekat si ngerana man bana.”
30 Tapi nina Jesus, “Sora e terbegi guna kena, labo guna aku.
31 Gundari, doni enda sangana ihakimi, janah penguasa doni enda+ nandangi ipelawes.+
32 Tapi, kenca iangkat aku arah doni enda nari,+ kutarik pagi manusia arah erbage bangsa nari.”
33 Situhuna, bage nina guna ncidahken uga kari carana ia mate.+
34 Ngaloi kalak si enterem e, “Begi kami arah Undang-Undang Musa, Kristus tetap lit seh rasa lalap.+ Engkai maka nindu Anak manusia arus iangkat?+ Ise kin Anak manusia e?”
35 Nina Jesus, “Ntisik nari ngenca terang e lit i tengah-tengah kena. Erdalanlah sanga terang e lit denga, gelah la kena ikuasai kegelapen. Kalak si erdalan bas gelap, la tehna ku ja ia lawes.+
36 Sanga lit denga terang e, erkinitekenlah man terang e, gelah kena jadi anak-anak terang.”+
Kenca bage nina Jesus, lawes ia cebuni arah kalak si enterem e nari.
37 Amin pe enggo melala ban Jesus mukjizat i lebe-lebe kalak e, kalak e tetap la erkiniteken man Jesus.
38 Alu bage, terjadi si kataken Nabi Jesaya, “O Jahwe,* ise kin si erkiniteken man berita si peseh kami e?+ Man ise kin kuasa* Jahwe* icidahken?”+
39 Kataken Jesaya ka engkai maka kalak e la tek, nina,
40 “Enggo pepentangNa mata kalak e janah banNa piher ukur kalak e, alu bage matana la erpengidah janah pusuhna lanai erpengangka. Kalak e pe lanai mulih man bangKu guna ipepalem.”+
41 Kataken Jesaya kerna si e perban enggo idahna kemulian Kristus.+
42 Situhuna, enterem kalak si erkiniteken man Jesus,+ termasuk peminpin-peminpin. Tapi kalak e la pang ngakuisa perban mbiar kalak e ipedarat kalak Parisi arah ingan pulung kalak Jahudi* nari.+
43 Ngenan atena dat kemulian arah manusia nari asangken kemulian arah Dibata.+
44 Jenari nina Jesus alu sora megang, “Ise pe si erkiniteken man bangku, labo man bangku saja ia erkiniteken, tapi erkiniteken ka ia man Ia si nuruh aku.+
45 Ise pe si ngidah aku, idahna ka Ia si nuruh aku.+
46 Aku reh ku doni jadi terang kap,+ gelah ise pe si erkiniteken man bangku la ia lalap tading bas gelap.+
47 Tapi ise pe si megi kata-kataku janah la patuhina, labo ia kuhakimi, perban aku reh labo guna ngakimi doni tapi nelamatken doni.+
48 Ise pe si nulak aku janah la alokenna kata-kataku, ihakimi pagi ia. Kata si enggo kupeseh e pagi si ngakimi ia bas wari pendungi.
49 Kai si kukataken labo arah aku nari, tapi Bapak si nuruh aku nge si mereken perentah man bangku kerna kai si arus kukataken ras kai si arus kucakapken.+
50 Kuteh maka perentahNa e mereken kegeluhen si rasa lalap.+ Emaka kai pe si kukataken, e me si kataken Bapak man bangku.”+
