Jop 10:1-22
10 “Segat ateku geluhku.+
Kupekeri ateku jungut-jungutku.
Kuturiken ateku uga suina pusuhku!
2 Kukataken pagi man Dibata, ‘Ula katakenNdu aku ersalah.
Kataken man bangku engkai maka lawanNdu aku.
3 Kai gunana tindasNdu aku?
Engkai maka segat ateNdu ciptanNdu+Janah ngena atendu nasehat kalak jahat?
4 Seri kin mataNdu ras mata manusia,Seri kin pengidahNdu ras pengidah manusia?
5 Seri kin wari-wariNdu ras wari-wari manusia,Seri kin tahun-tahunNdu ras tahun-tahun manusia?+
6 Adi bage engkai maka daramiNdu kesalahenkuJanah lalap daramiNdu dosaku?+
7 TehNdu kap maka labo aku ersalah.+
Janah ise pe labo lit si nelamatken aku arah tanNdu.+
8 TanNdu si mbentuk ras si nciptaken aku,+Tapi gundari kernepkenNdu ateNdu aku.
9 Inget min maka Kam kap si erban aku arah taneh liat nari,+Tapi gundari banNdu ka ateNdu aku mulihi jadi abu.+
10 La kin Kam nge si namaken aku ku beltek mamakku,Janah bentukNdu aku i je?*
11 BungkusNdu aku alu kulit ras daging,BentukNdu aku alu tulan ras urat.+
12 BereNdu aku kegeluhen, setia Kam engkelengi aku,PerdiatekenNdu aku, jagaiNdu geluhku.*+
13 Tapi erbuni-buni Kam ngelakoken rencana si jahat man bangku.
Kuteh nge, kerina enda Kam si erbanca.
14 Adi erdosa aku, idahNdu kerina,+La Kam nggit ngampuni kesalahenku.
15 Cilaka kel aku adi aku ersalah!
Amin pe aku la ersalah, la banci kuangkat takalku,+Perban hina kel aku janah mesui kel kuakap.+
16 Adi kuangkat takalku, buruNdu aku bagi erburu singa,+CidahkenNdu ka kuasaNdu ngelawan aku.
17 BabaNdu saksi-saksi si mbaru ngelawan akuJanah reh rawana Kam man bangku,Kesusahen reh man bangku la erngadi-ngadi.
18 Engkai kin maka pedaratNdu aku arah beltek mamakku nari?+
Pangen min ndai aku mate ope lenga lit si ngidah aku.
19 Alu bage, tempa-tempa aku la pernah lit.
Langsung aku ibaba arah rahim nari ku kuburen.’
20 La kin ntisik nari ngenca wari-wariku?+ Pediat saja tadingkenNa aku sisada.
Pediat saja la tulihkenNa aku, gelah tenang kuakap sitik*+
21 Ope lenga aku lawes ku negri si seh kel gelapna+Janah lanai mulihken.+
22 Ku ingan situhu-tuhu gelap,Ku ingan si kacau,Bas ingan e, cahaya pe gelap teridah.”
Cataten i teruh
^ As. “La kin Kam si nuangken aku bagi susu, janah kentalkenNdu aku bagi keju?”
^ Ntah “kesahku.”
^ Ntah “gelah meriah kuakap ntisik sajalah gia.”