Jop 11:1-20
11 Kenca si e ngerana Sopar+ kalak Maama, nina,
2 “La nge lit si njawapsa kerina kata-kata e,Ntah banci kin kalak ikataken benar perban melala ia ngerana?
3 Sinik kin kalak megi kata-katandu si la erguna e?
La kin lit si mpersingeti kam kerna kata-katandu si nokoh ena?+
4 Nindu benar kerina si katakenndu,*+Janah bersih kam i lebe-lebe Dibata.+
5 Ngerana min Dibata man banduJanah bukaNa babahNa!+
6 Gelah banci katakenNa rahasia-rahasia si erban kam pentar,Perban erbage-bage si banci angkai kalak pentar.
Alu bage tehndu maka enggo lupaken Dibata piga-piga kesalahenndu.
7 Banci kin angkandu uga bagesna kepentaren Dibata?
Banci kin angkandu kerina kerna* Si Madakuasa?
8 Kepentaren ganjangen asangken langit. Banci kin datndu e?
Kepentaren bagesen asangken Kuburen.* Banci kin tehndu e?
9 Kepentaren belangen asangken lautJanah belangen asangken doni.
10 Adi lewat Ia janah tangkapNa kalak, jenari babaNa ku pengadilen,Ise si banci ngelawan Ia?
11 Teh Dibata adi manusia nipu.
Sanga idahNa kai si jahat la kin perdiatekenNa?
12 Adi kelede liar banci ngelahirken manusia,Kalak motu banci erpengangka.
13 Sikapken min pusuhnduJanah ertotolah kam man Dibata.*
14 Adi lakokenndu kai si salah, pengadilah e,Ula pediat perbahanen si jahat ringan bas kemahndu.
15 Alu bage banci angkatndu takalndu, janah la akapndu mela.
Banci paguh pertedisndu janah la kam mbiar.
16 Alu bage, enggo lupakenndu masalahndu.
Lanai ingetndu bali bagi lau si enggo maler.
17 Kegeluhenndu cerahen asangken ciger wari.
Kegelapen pe bagi terang sanga erpagi-pagi.
18 Tek kam pagi, perban lit arapen,Tatapndu pagi ku sekelilingndu janah tayang kam alu tenang.
19 Tayang kam pagi, la lit si erbanca mbiar,Enterem pagi kalak erusaha gelah ngena atendu ngidah ia.
20 Tapi mata kalak jahat lanai pagi erpengidah,Ku japa pe kalak e la banci kiam,Kematen nari ngenca si banci arapken kalak e.”+
Cataten i teruh
^ Ntah “si ajarkenndu.”
^ Ntah “angkandu kai si la ngasup ilakoken.”
^ As. “Janah angkat tanndu ku Ia.”
