Jop 12:1-25
12 Kenca si e nina Jop ngaloi,
2 “Payo, pentar kel kena,Tapi adi mate kena bene me kepentaren!
3 Tapi aku pe erpengangka nge.
Labo kena ganjangen asangken aku.
Ise kin si la meteh kai si kataken kena e?
4 Aku enggo jadi pertawan teman-temanku,+Perban erlebuh aku man Dibata, janah ngarap kel aku aloiNa.+
Kalak si benar ras si la ersalah jadi pertawan kalak si deban.
5 Kalak si tenang geluhna, hinana kalak si melala masalahna,Akapna kalak si la paguh pertedisna* ngenca si dat masalah.
6 Kemah-kemah pinangko tenang,+Aman akap kalak si erban Dibata merawa,+Eme kalak si njemak berhalana.
7 Emaka sungkunlah binatang-binatang gelah ajarina kam,Bage pe perik-perik i langit, gelah katakenna man bandu.
8 Ntah perdiatekenlah* doni gelah ajarina kam,Bage pe ikan-ikan i laut, gelah jelaskenna man bandu.
9 Arah si e ndai kerina ise si la metehMaka tan Jahwe kap si nciptaken kerina e?
10 Kesah kerina si nggeluhBage pe kesah kerina manusia lit bas tanNa.+
11 La kin cuping si nguji kata-kata,Bagi dilah* si ngakapi pangan?+
12 La kin bas kalak si enggo metua nge lit kepentaren?+
La kin kalak si enggo gedang umurna nge si erpengangka?
13 Bas Dibata lit kepentaren ras gegeh,+Erpengangka kap Ia janah lakokenNa sura-suraNa.+
14 Kai si enggo runtuhkenNa, lanai banci ibangun,+Kai si tutupNa, ise pe la ngasup mbukasa.
15 Adi tahanna udan, kerah kerina.+
Adi penusurna udan, doni dem alu lau.+
16 Bas Ia, lit gegeh ras kepentaren,+KuasaiNa kalak si papak ras si erban papak.
17 Kerina si lit bas kalak pentar banNa gelah jarah kalak,Janah hakim-hakim banNa jadi motu.+
18 BuatNa kekuasan raja-raja,+BanNa kalak e jadi budak.
19 HinaNa imam-imam,+DabuhkenNa kekuasan kalak si mbelin kuasana.+
20 PesinikNa penasehat si terteki,BanNa kalak si metua lanai banci rukur.
21 BanNa bangsawan-bangsawan ihina,+BanNa kalak si megegeh jadi lemah.
22 BanNa teridah kai si terbuni bas kegelapen,+TerangiNa kegelapen.
23 BanNa bangsa-bangsa reh gegehna guna engkernepken bangsa-bangsa e,PebueNa bangsa-bangsa, alu bage banci banNa bangsa-bangsa e jadi tabanen.
24 BanNa peminpin-peminpin lanai banci rukur,BanNa kalak e mampa-mampa bas taneh si gersang si la lit dalanna.+
25 Dadap-dadap kalak e bas kegelapen,+ bas ingan si la lit cahaya i je,BanNa kalak e erdalan ku jah ku je bagi kalak mabuk.+
Cataten i teruh
^ Ntah “kalak si nahena menam celus.”
^ Ntah banci saja “ngeranalah man.”
^ As. “langit-langit babah.”