Jop 13:1-28
13 “Kerina e enggo kuidah,Kerina e enggo kubegi ras kuangka.
2 Kai si teh kena, enggo kuteh,Labo kena ganjangen asangken aku.
3 Tapi aku, pangen kuakap ngerana ras Dibata Si Madakuasa,Kubela ateku perkaraku i lebe-lebe Dibata.+
4 Ceda ban kena gelarku alu bual kena,Kerina kena bagi dokter si la erguna.+
5 Adi sinik saja min ndai kena,Pasti akap kalak kena pentar.+
6 Begiken min penjelasenku,Perdiateken sanga kubela diriku.
7 Erbual kin ate kena guna kepentingen Dibata?
Nipu kin ate kena guna kepentingenNa?
8 Bas pihak Dibata kin kena?
Bela kena kin ate kena perkara Dibata si benar?
9 Adi pereksa Dibata kena, meriah kin ukurNa ngidah kena?+
Banci kin buali kena Ia bagi kena mbuali manusia?
10 Adi la adil perbahanen kena amin pe erbuni-buni,Pasti merawa Ia man kena.+
11 La kin mbiar kena ngidah kemulianNa?
La kin mbiar kena man baNa?
12 Ranan kena si pentar,* la erguna bagi abu,Kerina ranan kena nukah perper bagi taneh liat.
13 Sinik kena lebe gelah ngerana aku.
Kai pe kari si terjadi man bangku, terjadilah!
14 Man kadeku kin ndarami bahaya?
Man kai kin kupertaruhken kesahku?
15 Banci saja bunuhNa aku, tapi lalap kutimai,+Kubela ateku perkaraku i lebe-lebeNa.
16 Alu bage banci Ia jadi penyelamatku,+Sebap kalak si la nandai Dibata* labo banci reh ku lebe-lebeNa.+
17 Gundari tutuslah atendu megiken kai si kukataken,Perdiateken kai si kukataken.
18 Enggo ersikap aku nuriken perkaraku,Kuteh maka aku labo ersalah.
19 Ise kin si ngelawan aku?
Adi tetap aku sinik, pasti aku mate!*
20 O Dibata, dua ngenca si kupindo man bandu,Gelah la aku cebuni arah Kam nari.
21 Ula nai tambahiNdu kesusahenku,*
Ula pediatNdu lalap aku mbiar.+
22 Ngerana min Kam gelah kujawap,Ntah pediat aku ngerana janah jawap aku.
23 Kai kin salah ras dosaku?
Kataken man bangku kai pelanggaren ras dosaku.
24 Engkai maka buang muka Kam man bangku,+Janah anggapNdu aku musuhNdu?+
25 Aku bagi bulung-bulung si embus angin ngenca, engkai maka banNdu aku mbiar?
Aku bagi nggala* si kerah ngenca, engkai maka ayak-ayakNdu aku?
26 Mberat kel tuduhen si lalap banNdu man bangku,HukumNdu aku perban kesalahen si kuban sanga nguda denga.
27 PasungNdu naheku,PernenNdu aku ku ja pe aku lawes,IkutiNdu tiap langkahku.
28 Eme sebapna ia* enggo bagi barang si macik,Bagi uis si lanai terpake.
Cataten i teruh
^ Ntah “si la terlupaken.”
^ Ntah “kalak murtad.”
^ Ntah banci saja “Adi lit, banci aku tetap sinik ras mate.”
^ As. “Angkat tanNdu arah aku nari.”
^ Ntah “jerami.”
^ Mungkin maksudna Jop.
