Jop 14:1-22
14 “Manusia si lahirken diberu,Gendek umurna+ janah dem kesusahen.+
2 Bagi bunga, mekar ia jenari melus.*+
Bagi bayangen, meter ia bene.+
3 TatapNdu ia,Janah babaNdu ia* guna iadili.*+
4 Banci kin lahir kalak si la erdosa arah kalak si erdosa?*+
Pasti la banci!
5 Wari-wari manusia enggo itetapken,Jumlah bulan-bulanna lit bas Kam,Enggo tentukenNdu batasna janah la banci lewatina.+
6 Ula nai nenNdu ia gelah banci ia istrahat.
Pediat ia ermeriah ukur bagi buruh upahen si enggo ndungi dahinna.+
7 Sebap batang kayu pe lit arapenna.
Amin pe enggo itabah, banci denga ia ertunas,Cabangna pe reh galangna.
8 Reh tuana gia uratna bas taneh,Janah kerah tongkehna* bas taneh,
9 Tapi adi kena lau,Mulihi ia ertunas bagi sinuan-sinuan si mbaru.
10 Tapi manusia mate, lanai lit gegehna.
Adi manusia mate, ku ja ia lawes?+
11 Lau bas laut lanai lit,Lau si maler pe reh urakna jenari kerah,
12 Bage me manusia mate janah lanai banci keke.+
Seh asa lanai lit langit, lanai banci kalak e keke,Ndigan pe lanai kalak e medak.+
13 Buniken min aku bas Kuburen,*+Buniken min aku seh ngasa lanai Kam merawa,Tetapken min waktu guna nginget aku mulihi.+
14 Adi manusia mate, banci kin ia nggeluh mulihi?+
Wari ku wari sedekah aku jadi budak lalap aku tertima,Seh ngasa aku ibebasken.+
15 LebuhNdu pagi aku, janah kualoi pagi Kam.+
Tedeh kel pagi ateNdu man si enggo ciptakenNdu.
16 Tapi gundari, perdiatekenNdu kerina si kulakoken,Dosa-dosaku ngenca si perdiatekenNdu.
17 Pelanggarenku masukkenNdu bas tas si isegel,Janah bunikenNdu* kesalahenku.
18 Bagi gunung si runtuh janah hancur,Bagi batu si guling arah inganna nari,
19 Bagi lau ngikis batu,Bagi lau ngombakken taneh,Bage me pagi arapen manusia hancurkenNdu.
20 TalukenNdu manusia emaka kernep ia,+Berubah banNdu ayona jenari mate ia.
21 Anak-anakna ihamati tapi la tehna,Sanga anak-anakna la ihamati pe, tetap la tehna.+
22 Sanga erkesah saja ngenca ia rate mesui,Sanga nggeluh saja ngenca ia erceda ate.”
Cataten i teruh
^ Ntah banci saja “jenari ipotong.”
^ As. “aku.”
^ Ntah “guna jadi musuhNdu bas pengadilen.”
^ As. “Banci kin lahir kalak si bersih arah kalak si la bersih nari?”
^ Ntah “tunggulna.”
^ As. “lemNdu.”
