Jop 15:1-35
15 Nina Elipas+ kalak Teman e ngaloi,
2 “Alu ranan si la erguna kin kalak pentar ngaloi?
Alu sura-sura si jahat* kin demina pusuhna?
3 Labo lit gunana mereken persinget alu ranan saja,Janah ngerana saja labo lit gunana.
4 Banndu lanai kalak mbiar man Dibata,Banndu lanai diatena Dibata.
5 Perban kesalahenndu maka bage kam ngerana,Belaskenndu kata-kata si licik.
6 Labo kusalahken kam, tapi babahndu nge si nalahken kam,Rananndu si mbuktiken kam salah.+
7 Kam kin manusia si pertama lahir?
Ntah enggo kin kam lahir ope lenga lit bukit-bukit?
8 Begindu kin sanga cakapken Dibata rahasiaNa?
Kam kin ngenca kalak si pentar?
9 Kai si tehndu, teh kami nge.+
Kai si angkandu, angka kami nge.
10 Antara kita, lit si enggo ubanen,+Kalak e enggo lit ope lenga lahir bapakndu.
11 La kin bias pengapul arah Dibata man bandu?
La kin bias kata-kata si lembut man bandu?
12 Engkai maka kuasai perasanndu kam,Engkai maka merawa pengenen matandu?
13 Merawa kam man Dibata,Pediatndu ranan si la mehuli ndarat arah babahndu.
14 Banci kin manusia badia menurut Dibata?
Banci kin manusia ianggap benar?+
15 Man malekat-malekatNa saja pe labo Ia tek,Langit pe labo akapNa bersih.+
16 Apai ka kalak si ngelakoken kai si segat ateNa ras si jahat,+Eme kalak si merhat ngelakoken kai si jahat, si bagi kalak muas si merhat kel minem lau!
17 Begiken kai si nandangi kukataken man bandu!
Kuceritaken kari kerina si enggo kuidah,
18 Eme kai si ceritaken kalak si pentar, si begi kalak e arah nini bulangna nari,+Labo buniken kalak e.
19 Kerina taneh e enggo ibereken man nini bulang kalak e,La lit kalak asing si lewat arah tengah-tengah kalak e.
20 Kalak jahat ras kejam tersiksa segedang geluhna,Melala masalah bas tahun-tahun kegeluhenna.
21 Lalap begina sora-sora si erban ia mbiar,+Serang perampok ia sanga aman situasina.
22 Lanai ia banci pulah arah kematen* nari.+
Pasti ia ibunuh alu pedang.
23 Ku jah ku je ia ndarami pangan,* tapi i ja kin banci datna pangan?
Tehna maka wari kematenna enggo ndeher.
24 Kesusahen ras ate mesui terus erban ia mbiar.
Kerina e nguasai ia bagi raja si enggo ersikap guna nyerang.
25 Bage me keadan kalak si nentang DibataSi pang ngelawan* Si Madakuasa.
26 Mekeng ia janah lawanna Dibata,Babana perisai* si mekapal ras paguh.
27 Ayona tutupi lemak,Galang beltekna.*
28 Tading ia i kota-kota si nandangi runtuh,Tading ia i rumah-rumah si nandangi ikosongken,Si nandangi jadi timbunen batu.
29 Labo pagi ia jadi bayak, kebayakenna labo reh buena,Ertana pe la pagi merap ku belang-belang negri e.
30 La ia banci pulah arah kematen* nari,Kerah pagi cabang-cabangna* perban api,Lanai pagi ia lit perban embus kesah Dibata.+
31 Ula sempat ia tek man kai si la erguna,Perban kai si nandangi alokenna pe la erguna.
32 Lanai ndekah terjadi kerina e man bana,Cabang-cabangna lanai pagi ertunas.+
33 Ia bagi batang anggur si buahna nartaren sope tasak,Bagi batang saitun si nartaren bungana.
34 Sebap kai pe si lakoken kalak si la nandai Dibata* labo pagi berhasil.+
Kemah kalak si ngaloken sogok keri pagi ipan api.
35 Lalap rancang kalak e ras lakokenna kai si jahat,Pusuh kalak e dem alu tipun.”
Cataten i teruh
^ As. “Alu angin timur, angin si melas si rembus arah gurun pasir nari.”
^ As. “kegelapen.”
^ As. “roti.”
^ Ntah “naluken.”
^ Ntah “ampang-ampang.”
^ Bas ayat enda lemak eme tanda kebayaken, kemakmuren, ras sipat sombong.
^ As. “kegelapen.”
^ Maksudna, lanai lit arapenna banci mulihi bagi si mbarenda.
^ Ntah “kalak murtad.”
