Jop 16:1-22
16 Nina Jop ngaloi,
2 “Enggo rusur kubegi kerina bagi si kataken kena e.
Labo apuli kena aku tapi reh susahna aku ban kena!+
3 La nge keri-keri ranan kena si la erguna e?
Engkai maka jawapi kena aku?
4 Aku pe banci nge ngerana bagi kena.
Adi kena arah aku enda,Banci nge kupandangi kena.
Kugeleng-gelengken takalku sanga kuidah kena.+
5 Tapi adi aku, pasti pagi kena kupegegehi alu ranan si kubelasken,Rananku si mehuli banci erban tenang kap kena.+
6 Adi ngerana aku, bene kin si mesuiku?+
Adi ngadi aku ngerana, urak kin si mesuiku?
7 Tapi gundari lanai lit gegehku ban Dibata,+Keluargaku* enggo keri kernepkenNa.
8 TangkapNdu ka aku, janah lit si ngidahsa,Emaka akap kalak aku ersalah perban kertang kel dagingku.
9 Perban merawa kel Ia, cabik-cabikNa aku.+
Merawa kel Ia* sanga idahNa aku.
JerlengNa aku.+
10 Mbelang babah musuhku ngelawan aku,+Parapi kalak e ayoku, segat kel atena aku,Ras-ras kalak e ngeroyok aku.+
11 Serahken Dibata aku man anak-anak dilaki,BerekenNa aku ku tan kalak jahat.+
12 Mbarenda tenang kel geluhku, tapi gundari hancurkenNa kerinana,+TangkapNa kerahungku arah pudi jenari perperkenNa aku,Kenca si e, banNa aku jadi sasaren anak panahNa.
13 Kelilingi pemanahNa aku,+CucukNa ginjalku,+ sitik pe la ateNa mekuah,Mambur banNa peguku* ku taneh.
14 Aku bagi tembok si mulih-ulih iruntuhkenNa,SerangNa aku bagi tentera.
15 Kupake kain guni nutupi kulitku,+Lanai lit ergaku, enggo keri gegehku emaka kundul aku i datas abu.+
16 Megara ayoku perban tangis,+Mataku pe bengkak ras mbiring i sekelilingna,
17 Padahal tanku la pernah ngelakoken kejahaten,Janah arah pusuhku nari aku ertoto.
18 O doni, ula buniken darehku!+
Ula pengadi soraku nderkuh!
19 Gundari pe lit saksiku i surga,Kalak si banci mbela aku tading bas ingan si meganjang.
20 Tokohi teman-temanku aku+Sanga mambur iluhku i lebe-lebe Dibata.*+
21 Pediatlah lit kalak si ngadili aku ras Dibata,Bagi si ilakoken man sekalak jelma ras temanna.+
22 Sebap tahun-tahun kegeluhenku sitik nari ngenca,Ntisik nari lawes aku janah lanai mulih.+
Cataten i teruh
^ Ntah “Kerina si lit ras aku.”
^ As. “Erderep ipenNa.”
^ Ntah “empeduku.”
^ Ntah banci saja “Lalap kutatap Dibata, la aku medem-medem.”