Jop 17:1-16
17 “Lanai lit gegehku janah aku enggo nandangi mate,Enggo isikapken kuburen man bangku.+
2 Aku ikelilingi kalak si nokohi aku,+Terpaksa kunen perbahanenna si mberontak e.
3 O Dibata, mindo aku, erjanjilah Kam nampati aku.
Adi lang, ise nari kari si nampati aku?+
4 Enggo tutupNdu pusuh kalak e emaka la angkaina,+Eme sebapna la peganjangNdu kalak e.
5 Kongsi kalak e ertana radu ras teman-temanna,Padahal mata anak-anak kalak e kabur perban kelihen.
6 BanNa aku jadi pertawan,*+Ciduri kalak e ayoku.+
7 Kabur mataku perban kesusahenku,+Dagingku enggo kertang.
8 Mamang ate kalak si bujur ngidah si e,Kalak si la ersalah latih ukurna ngidah kalak si la nandai Dibata.*
9 Kalak si bujur, bujur lalap perbahanenna,+Kalak si la ersalah reh gegehna.+
10 Pandangi kena saja aku lalap,Perban sada pe kena la lit si pentar.+
11 Sitik nari ngenca wari-wariku,+Rencanaku ras sura-suraku enggo lanai lit.+
12 Kataken kalak e berngi e suari,Nina kalak e, ‘Enggo kap nandangi terang,’ tapi si kuidah gelap kerina.
13 Adi lalap kutimai, Kuburen* nari ngenca si jadi rumahku,+Kuamparken pagi ingan medemku bas kegelapen.+
14 Serko pagi aku man lubang kuburen,+ ningku, ‘Kam kap bapakku!’
Ningku man bernga, ‘Kam kap mamakku ras turangku!’
15 I ja dage arapenku ndai?+
Ise kin si erpengakap maka lit denga arapenku?
16 Mulihken pagi aku jadi abu,Arapenku pe nusur ku Kuburen* radu ras aku.”+
