Jop 18:1-21
18 Nina Bildat+ kalak Suah ngaloi,
2 “Asa ndigan kam bage ngerana?
Buktiken maka lit pengertinndu, dung e maka kami ngerana.
3 Engkai maka bali kapndu kami bagi binatang?+
Motu* kapndu kami?
4 Bicara merawa pe kam janah sakitindu bandu,Bene kin penduduk doni enda guna kam,Ntah pindah kin gunung batu arah inganna nari?
5 Sebap lampu kalak jahat imateken pagi,Janah apina lanai gara.+
6 Gelap pagi bas kemahna,Janah lampu si lit i datasna imateken.
7 Perjingkangna si paguh gundari enggo mbewat-mbewat,Rencanana erban ia jongkang.+
8 Babai nahena ia ku jaring,Sangkut me nahena.
9 Terjebak pagi tukul-tukulna bas perangkap.
Tertangkap pagi ia bas siding.+
10 Lit nali si ibuniken bas taneh guna njerat ia.
Lit siding bas dalan si ilewatina.
11 Ayak-ayak kebiaren ia lalap+Janah mbiar ia ku japa pe ia lawes.
12 Enggo bene gegehna,Masalah+ erban ia limberen.
13 Kerina kulitna enggo kena penakit,Kerina dagingna kena penakit si mekelek.
14 Isaren ia arah kemahna si aman,+Ibaba ia ku kematen si seh kel ngerina.
15 Tading pagi kalak asing bas kemahna.
Iamburken pagi belerang ku bas rumahna.+
16 Kerah pagi uratna bagi batang kayu,Melus pagi dahan-dahanna.
17 I belang-belang doni lanai ia inget kalak,Bas dalan-dalan lanai tandai kalak gelarna.
18 Arah terang nari ianjemken ia ku kegelapen,Ipelawes ia arah doni nari.
19 Lanai pagi lit anak-anakna ras keturunenna i tengah-tengah bangsana,La lit si tetap nggeluh bas inganna tading.
20 Sanga kena masalah ia, sengget kalak si lit i sebelah Barat,Mbiar kalak si lit i sebelah Timur.
21 Bage me si terjadi man kemah kalak si ngelakoken kai si jahat,Bage pe man ingan tading kalak si la nandai Dibata.”
Cataten i teruh
^ Ntah banci saja “Najis.”