Jop 19:1-29
19 Nina Jop ngaloi,
2 “Asa ndigan ban kena aku sakit hati?+
Asa ndigan ban kena getem pusuhku alu ranan kena?+
3 Mulih-ulih aku rawai* kena,La kena mela sanga kasar kena man bangku.+
4 Adi salah kin pe aku,Aku kap si nanggung akibatna.
5 Adi akap kena ulin kena asangken aku,Janah anggap kena aku tuhu-tuhu ersalah,
6 Arus teh kena maka la adil perbahanen Dibata man bangku,Janah tangkapNa aku alu jaringNa.
7 Lalap aku serko perban kesusahenku, tapi la lit si ngaloisa.+
Lalap aku serko tapi la lit keadilen.+
8 HalangiNa dalanku alu tembok batu, emaka la banci aku lewat,TutupiNa dalanku alu kegelapen.+
9 RampasNa kemulianku,BuatNa mahkota arah takalku.
10 EntamkenNa aku seh asa kernep,Bagi ncabut batang kayu, cabutNa arapenku.
11 Pernembeh ate Dibata gara man bangku,AnggapNa aku musuhNa.+
12 Ersada pasukenNa ngepung aku,Erkemah kalak e i sekeliling kemahku.
13 Ban Dibata aku tadingken senina-seninaku,Kalak si nandai aku lawes nadingken aku.+
14 Teman-temanku enggo nadingken aku,Lanai inget kalak e aku.+
15 Tamu-tamu i rumahku+ ras budakku si diberu lanai nandai aku,Anggapna aku kalak asing.
16 Kulebuh budakku,Tapi la aku diatena sanga kupindo perkuah atena.
17 Mutah ate diberuku nganggeh kesahku,+Senina-seninaku mbau akapna aku.
18 Anak-anak si kitik denga pe segat atena aku,Sanga tedis aku, tokohina aku.
19 Kerina teman kompakku segat atena aku,+Kalak si keleng ateku, dungna ngelawan aku.+
20 Kulitku nari ngenca leket bas tulanku,+Menam aku mate.
21 O teman-temanku, mekuah min ate kena aku,Sebap tan Dibata enggo mekpek aku.+
22 Engkai maka siksa kena aku bagi si lakoken Dibata?+
La erngadi-ngadi serang kena aku.+
23 Tulis min ndai kata-kataku enda,Tulis min ndai bas sada buku.
24 Ntah ukir min ndai bas batu,Alu pulpen besi ras timah, gelah tahan rasa lalap.
25 Tapi kuteh nge maka lit si nebus aku,+Reh pagi ia janah tedis ia i datas taneh.
26 Amin gia kulitku enggo keri ipan penakit,Sanga aku nggeluh denga, banci pagi kuidah Dibata,
27 Kuidah pagi Ia,Kuidah pagi Ia alu mataku, labo alu mata kalak.+
Tapi ndauh bas pusuhku, latih kel kuakap.
28 Ning kena, ‘Engkai maka akapna sisiksa ia?’+
Tempa-tempa aku si erban masalah e.
29 Mbiarlah kena man pedang,+Perban ihukum pedang kap kesalahen,Arus teh kena maka lit kap hakim.”+
Cataten i teruh
^ Ntah “hina.”
