Jop 2:1-13
2 Kenca si e, seh warina anak-anak Dibata si benar*+ ngadap man Jahwe,+ Setan pe ikut ngadap man Jahwe.+
2 Nina Jahwe man Setan, “Ja nari kam ndai?” Nina Setan man Jahwe, “Erdalan-dalan ku jah ku je engkelilingi doni.”+
3 Nina Jahwe man Setan, “Perdiatekenndu nge pelayanKu Jop? La lit si bagi ia i doni. Ia bujur ras setia.+ Mbiar ia man Dibata, la lakokenna kai si jahat. Tetap ia setia man bangKu+ amin gia pindondu Aku ncilakai ia,+ amin pe la lit sebapna.”
4 Tapi nina Setan man Jahwe, “Kulit ganti kulit. Kai pe si lit bas sekalak jelma pasti berekenna gelah banci tetap nggeluh.
5 Gundari, dudurken dage tanNdu, ban ia susah ras suin. Pasti sumpahina Kam i lebe-lebeNdu.”+
6 Kenca si e nina Jahwe man Setan, “Bas kuasandu kap ia, tapi ula bunuh ia!”
7 Emaka lawes Setan arah lebe-lebe Jahwe nari, janah banna Jop bisulen, mesui kel akapna,+ mulai tapak-tapak nahena nari seh ku takalna.
8 Buat Jop pecahen kudin taneh guna nggergoi dagingna, jenari kundul ia bas abu.+
9 Dungna nina diberuna man bana, “Asa ndigan atendu setia man Dibata? Sumpahi Ia, mateken bandu!”
10 Tapi nina Jop man bana, “Kam ngerana bagi diberu si motu. Si mehuli saja nge atendu sialoken arah Dibata si benar? Si la mehuli la kita nggit ngalokenca?”+ Bas si e kerina, Jop la erdosa bas kai si katakenna e.+
11 Begi telu teman Jop kerina masalah si terjadi man Jop. Emaka reh kalak e ndahi ia arah inganna masing-masing. Temanna e Elipas+ kalak Teman, Bildat+ kalak Suah,+ ras Sopar+ kalak Maama. Ersada arih kalak e ras-ras ndahi Jop guna mereken pengapul bage pe ncidahken ermediate kalak e man bana.
12 Sanga idah kalak e Jop dauh-dauh nari, lanai tandai kalak e ia. Emaka nderkuh kalak e janah megang kel sora kalak e. Rigatken kalak e pakenna jenari benterken kalak e abu ku datas bage pe ku takal kalak e.+
13 Kundul kalak e i taneh pitu wari pitu berngi. La lit sekalak pe si ngerana man Jop perban idah kalak e seh kel suina akap Jop.+
Cataten i teruh
^ Istilah bas bahasa Heber si ertina malekat-malekat Dibata.
