Jop 20:1-29
20 Nina Sopar+ kalak Maama ngaloi,
2 “Latih kel ukurku, lanai aku sabar,E me sebapna ngerana ateku.
3 Enggo kubegi persinget si erban aku terhina,Pengertin ngiahken aku guna ngaloi.
4 Pasti tehndu maka mbarenda nari,Mulai kin manusia itamaken i doni,+
5 Keriahen kalak jahat ntisik ngenca,Kesenangen kalak si la nandai Dibata* labo ndekah.+
6 Amin pe kehebatenna seh ku langit,Janah takalna seh ku embun,
7 Nandangi masap ia rasa lalap bagi kotorenna,Nina kalak si rusur ngidah ia, ‘I ja ia?’
8 Bene pagi ia bagi nipi, janah lanai dat kalak e ia,Ilupaken pagi ia bagi pengenehenen* sanga berngi.
9 Kalak si ngidah ia mbarenda, lanai pagi ngidah ia,Lanai pagi ia teridah bas rumahna.+
10 Anak-anakna mindo penampat pagi man kalak mesera,Arus ulihkenna kerina erta si ijarah.+
11 Megegeh ia* bagi kalak si nguda denga,Tapi gegehna e mate pagi radu ras ia janah jadi abu.
12 Ntebu kapna ngelakoken kejahaten,La lit sura-surana ngutahkenca.*
13 Entabeh kel kapna emaka la ia nggit ngambekkenca,La ia nggit mpedaratsa arah babahna nari.
14 Tapi kenca seh pangan e ku beltekna,Berubah pangan e jadi racun nipe kobra.
15 Utahkenna pagi kebayaken si enggo bendutna,Dibata pagi si mpedaratsa arah beltekna nari.
16 Inemna pagi bisa nipe kobra,Mate pagi ia itagut nipe si erbisa.
17 Lanai pagi nanamina susu ras maduSi maler bagi lau si deras.
18 Ulihkenna pagi ertana janah la pernah pakena,Labo pagi nanamina hasil kerja kerasna.+
19 Tindasna kalak mesera janah la diatena,Rampasna rumah si labo ia mbangunsa.
20 Lanai pagi tenang kapna,Ertana la banci nelamatken ia.
21 Lanai pagi lit kai pe si banci rampasna,E me sebapna kemakmurenna la ertahan.
22 Paksa mbue kel ertana, kuatir pagi ia,Terjadi pagi kerina si la mehuli man bana.
23 Sanga besurina beltekna,Merawa pagi Dibata man bana,Reh pagi kai si la mehuli man bana bagi udan.
24 Adi kiam ia arah senjata-senjata besi,Tembus anak panah tembaga pagi ia.
25 Tembus pagi peguna* ban anak panah si erndilap e,Cabutna pagi anak panah e arah gurungna nari,Mbiar kel pagi ia.+
26 Bene pagi erta-ertana bas kegelapen,Keri pagi ia pan api si la lit pegarasa.
Terjadi pagi bencana man kalak si tading denga bas kemahna.
27 Tuduhken langit pagi kesalahenna,Lawan doni pagi ia.
28 Mombak pagi rumahna perban banjir,Bas wari rawa Dibata, maler pagi lau si seh kel derasna.
29 E me pagi si ban Dibata man kalak jahat,E me warisen si bereken Dibata man bana.”
Cataten i teruh
^ Ntah “kalak murtad.”
^ Eme kerna kai pe si cidahken Dibata ku bas pikiren sekalak jelma.
^ As. “tulanna.”
^ As. “Bunikenna e i teruh dilahna.”
^ Ntah “empeduna.”
