Jop 21:1-34
21 Nina Jop ngaloi,
2 “Begiken kai si kukataken enda,E me si banci lakoken kena gelah terapuli aku.
3 Sabar kena sitik sanga aku ngerana,Kenca dung kari aku ngerana, banci pandangi kena aku mulihi.+
4 Man manusia kin aku jungut-jungut?
Adi payo bage, pasti lanai aku sabar.
5 Nen aku, pasti mamang ate kena,Pasti kena sinik.
6 Adi kuukuri kerna si e, mbiar aku,Nggirgir kerina dagingku.
7 Engkai maka kalak jahat lalap nggeluh,+Gedang umurna, bayak* ka ia?+
8 Anak-anakna lalap ras ia,Banci idahna keturunenna.
9 Aman rumahna, la pernah ia mbiar,+La ia hukum Dibata alu tongkatNa.
10 Melala anak lembu jantanna,Lembu kalak e si beruna ranak, la pernah keguguren.
11 Anak-anakna si dilaki kiam-kiam bagi rarasen biri-biri,Anak-anak kalak e lompat-lompat alu ermeriah ukur.
12 Rende kalak e ngikutken sora rebana ras harpa,*Meriah ukurna megi sora suling.+
13 Segedang geluhna meriah akapna,Tenang* kalak e nusur ku Kuburen.*
14 Tapi nina kalak e man Dibata si benar, ‘Ula gangguNdu kami!
La kami merhat meteh dalan-dalanNdu.+
15 Ise kin Dibata Si Madakuasa e maka arus sembah kami Ia?+
Kai kin untungna adi tandai kami Ia?’+
16 Tapi kuteh maka labo banci atur kalak e kemakmurenna.+
Beda kel perukuren* kalak jahat ras perukurenku.+
17 Piga kali kin lampu kalak jahat imateken?+
Piga kali kin kalak e kena masalah?
Piga kali kin Dibata merawa janah engkernepken kalak e?
18 Pernah kin kalak jahat bagi nggala* si embus angin?
Pernah kin kalak e bagi segal* si kabangken angin badai?
19 Hukum Dibata pagi anak-anak kalak jahat perban kesalahen bapakna.
Tapi Dibatalah si ngukum kalak jahat gelah tehna maka kai si lakokenna e salah.+
20 Pediat nanamina uga buena pagi kesusahen si terjadi man bana,Pediat nanamina* pernembeh ate Si Madakuasa.+
21 Adi ipegendek* umurna,Banci denga kin perdiatekenna kai si terjadi man keturunenna?+
22 Adi Dibata nge si ngadili kalak si penting,+Ngasup kin manusia ngajari Dibata?+
23 Lit kalak si mate sanga megegeh denga,+Sanga tenang pergeluhna janah entabeh akapna,+
24 Sanga galang denga pahana,Megegeh denga tulan-tulanna.
25 Tapi lit ka si mate sanga pagit geluhna,La pernah nanamina kesenangen.
26 Kerina kalak e mulihken pagi jadi abu,+Pangani bernga pagi kalak e kerina.+
27 Kuteh kel uga perukuren kena,Bage pe rencana jahat kena man bangku.*+
28 Ning kena, ‘Ja kin rumah kalak si penting e?
Ja kin kemah ingan kalak jahat e?’+
29 La kin enggo sungkun kena man kalak si ndauh perdalanna?
La kin kena tek man kai si kataken kalak e?
30 Nina, ‘Sanga reh bencana, kalak jahat lalap selamat,Lalap kalak e iselamatken bas wari kesusahen.’
31 Ise si mpersingeti ia kerna perbahanenna?
Ise si mbalas perbahanenna?
32 Sanga itaruhken ia ku kuburen,Kuburenna e ijaga.
33 Taneh bas lembah* e ntebu kapna.+
Kerina manusia ngikutken ia ku je*+Bagi enterem kalak si nggeluh sope ia.
34 Emaka man kade kena mereken pengapul si la erguna e?+
Jawapen kena e bual kerina!”
Cataten i teruh
^ Ntah “megegeh.”
^ Harpa eme alat musik si ersenar bagi gitar, tapi bentukna beda.
^ Maksudna, minter ia mate janah la lit gejapna mesui.
^ Ntah “nasehat.”
^ Ntah “jerami.”
^ Ntah “kulit page; kulit gandum; kulit barli.”
^ As. “inemna.”
^ Ntah “ibagi dua.”
^ Ntah banci saja “Kejam kena man bangku.”
^ As. “Kerina manusia sarenna pagi ku je.”
