Jop 23:1-17
23 Nina Jop ngaloisa,
2 “Enggo keri gegehku perban jungut-jungut,+Tapi gundari pe tetap nge aku mengeluh.
3 Bicara kuteh i ja Dibata,+Pasti lawes aku ku inganNa tading!+
4 Kubaba perkaraku ku lebe-lebeNa,Kukataken kerina pembelanku.
5 Merhat kel aku meteh uga pagi Ia ngaloi aku,Kuperdiateken kel pagi kai si katakenNa man bangku.
6 LawanNa kin pagi aku alu kuasaNa si mbelin?
Tentu lang, pasti begikenNa aku.+
7 Idungi pagi perkara kalak si bujur i lebe-lebeNa,Ikataken Hakimku pagi aku la ersalah seh rasa lalap.
8 Tapi sanga lawes aku ku timur, la lit Ia i je,Lawes aku ku barat, tapi la aku jumpa ras Ia.
9 Sanga erdahin Ia i utara, la kuidah Ia i je,Kenca si e lawes Ia ku selatan, tapi lalap la kuidah.
10 Amin gia bage, teh Dibata kap dalan-dalanku.+
Kenca ujiNa aku, dungna bali aku bagi emas murni.+
11 Tutus ateku ngikutken dalan-dalanNa,La pernah aku nilah.+
12 La pernah kulanggar perentah-perentahNa.
Merga kel kuakap kai si katakenNa+ janah kulakoken lebih asa si pindoNa.
13 Adi enggo ban Dibata keputusen, ise si banci ngelawansa?+
Adi lit si ateNa lakokenNa, pasti lakokenNa.+
14 Pasti lakokenNa kerina si enggo tetapkenNa man bangku,Janah melala denga si ateNa lakokenNa.
15 E me sebapna kuatir aku banNa,Adi kuukuri kerna Ia, reh biarna aku.
16 Iban Dibata aku mbiar,Iban Si Madakuasa aku gentar.
17 Amin pe ayoku itutupi kegelapen,Tapi e labo erban aku sinik.
