Jop 26:1-14
26 Nina Jop ngaloi,
2 “Mbelin kel penampatndu man kalak si la ergegeh!
Tuhu-tuhu selamatkenndu kalak si lemah!+
3 Mejile kel pedah si berekenndu man kalak si kurang pentar!+
Melala kel kepentaren si erguna si cidahkenndu!
4 Man ise kin atendu ngerana?
Ja nari datndu perukuren si bage?
5 Kalak mate lit i teruh laut bage pe i teruh kerina si lit bas laut e,Mbiar janah nggirgir kalak e.
6 Kuburen* talang i lebe-lebe Dibata,+Ingan engkernepken* jelas idahNa.
7 Kimbangken Dibata langit utara bas ingan si kosong,+SangkutkenNa doni bas si la lit.
8 BungkusNa lau bas embun,+Tapi embun e la merigat amin pe mberat.
9 BanNa tahtaNa la teridah,Alu ngkimbangken embun guna nutupisa.+
10 BanNa garis batas antara langit ras laut,+BanNa batas antara terang ras gelap.
11 Tiang-tiang langit mugur-ugur,Nggirgir tiang-tiang e sanga sergangNa.
12 Alu kuasaNa, banNa laut ergelombang,+Alu pengertinNa hancurkenNa raksasa laut.*+
13 BersihkenNa langit alu kesahNa,BunuhNa nipe si meter perdalanna.
14 Si e kerina bagin si kitik ngenca arah perbahanenNa,+Kai si enggo sibegi kerna Ia bagi kusik-kusik saja ngenca.
Emaka ise si banci ngangkai sora lenggurNa si megegeh?”+