Jop 27:1-23
27 Terusken Jop kata-katana,* nina,
2 “Ersumpah aku i lebe-lebe Dibata si nggeluh si la mereken keadilen man bangku,+Ersumpah aku i lebe-lebe Si Madakuasa si nggeluh si erban pagit geluhku,+
3 Sedekah aku erkesah dengaJanah kesah arah Dibata lit denga bas aku,+
4 Biberku la nggit melasken kai si la tuhu,Dilahku la nggit melasken kata-kata si nipu.
5 Ndigan pe aku la nggit ngatakenca maka kena benar,Seh ngasa aku mate, tetap aku setia man Dibata!+
6 Tetap aku ertahan maka aku benar, tetap aku bage.+
Sedekah aku nggeluh, pusuhku labo nalahken aku.
7 Pediatlah musuhku ihukum bagi kalak jahat,Bage pe kalak si nindas aku ihukum bagi kalak si la benar.
8 Kai nari kin arapen kalak si la nandai Dibata* sanga ia ikernepken,+Sanga buat Dibata kesahna?
9 Paksa ia kena masalah,Begi Dibata kin sorana nderkuh?+
10 Meriah kin ukurna perban Si Madakuasa?
Lalap kin ia ertoto man Dibata?
11 Kuajari pagi kena kerna kuasa* Dibata,Labo pagi lit si kubuniken kerna Si Madakuasa.
12 Adi tuhu kin enggo dat kena pengenehenen,*Engkai maka kata-kata kena sada pe la erguna?
13 Enda kap bagin si bereken Dibata man kalak jahat,+Enda kap warisen arah Si Madakuasa man kalak si kejam.
14 Amin pe anakna jadi enterem, maten pagi kalak e perban pedang,+Keturunenna kekurangen pangan.
15 Keturunenna si nggeluh denga mate pagi ban wabah penakit,La pagi tangisi diberuna kalak e.
16 Amin pe pirakna bali buena bagi abu,Janah baju si mejile si simpanna bali buena bagi taneh liat,
17 Amin pe enggo pepulungna,Kalak si bujur nge si makesa,+Kalak si la ersalah si mbagi-mbagiken pirakna e i antara kalak si la ersalah e.
18 Rumah si bangun kalak e la nteguh bagi kepompong,Bagi sapo-sapo+ si ban sekalak penjaga.
19 Bayak ia sanga medem tapi kebayakenna e la ngasilken kai pe,Sanga bukana matana, kai pe lanai lit.
20 Kebiaren reh ku ia bagi banjir,Babaken badai ia paksa berngi.+
21 Babaken angin timur ia janah lanai ia lit,Sapuken angin e ia arah inganna nari.+
22 Sanga kiam atena nelamatken diri,+Dampesken angin e ia, sitik pe la atena mekuah.+
23 Ertepuk angin e nokohisa,Ersiul ia nokohisa+ arah inganna nari.*
Cataten i teruh
^ As. “kuan-kuanna.”
^ Ntah “kalak si murtad.”
^ Ntah banci saja “kena alu tan.”
^ Eme kerna kai pe si cidahken Dibata ku bas pikiren sekalak jelma.
^ Ntah banci saja “Ertepuk kalak guna nokohi ia.”
