Jop 28:1-28
28 “Pirak banci idat bas pertambangen,Emas lit ingan guna murnikenca.+
2 Besi ibuat arah taneh nari,Tembaga ibuat arah batu nari.+
3 Taluken manusia kegelapen.
Guna ndatken batu-batu si merga,Lawes ia ku ingan si seh kel gelapna.
4 Ndauh arah ingan manusia,Bas ingan si enggo ilupaken, ndauh arah ingan kalak erdalan,Galina lubang tambang jenari nusur ia janahna cinggolah bas nali.
5 Pangan manusia turah bas taneh nari,Tapi arah teruh taneh e, kerinana getem bagi si pan api.*
6 Bas teruh taneh e lit batu-batu sapir,Abuna lit emasna.
7 Perik si man daging la meteh dalan ku je,Kuliki mbiring pe la pernah ngidahsa.
8 Binatang buas la pernah mentas arah je.
Singa si nguda denga pe la pernah erdalan-dalan i je.
9 Palu manusia batu-batu si piher alu tanna,Hancurkenna gunung-gunung arah dasarna nari.
10 Banna parik-parik lau+ i batu,Datna erbage-bage batu si merga.
11 Bendungna sumber-sumber lau maler,Kai si terbuni babana ku ingan si terang.
12 Tapi kepentaren i ja banci idat,+Pengertin i ja sumberna?+
13 La teh kalak uga ergana e,+E la banci dat kalak i japa pe bas doni.
14 Nina lau si mbages, ‘La lit kepentaren bas aku!’
Nina laut si mbelang, ‘Bas aku pe la lit kepentaren!’+
15 Kepentaren la tertukur alu emas murni.
La banci itukar alu pirak si seh kel buena.+
16 Kepentaren la banci itukur alu emas Opir+Ntah pe alu batu oniks ras batu sapir.
17 E la banci ibandingken ras emas bage pe kaca,La banci itukar ras mangkok si iban arah emas murni.+
18 La banci ibandingken ras kristal bage pe batu si merga arah laut nari,*+Kepentaren e ndauh ergan asangken sada kantong mutiara.
19 E la banci ibandingken ras batu topas+ arah Kus,La banci itukur alu emas murni.
20 Tapi ja nari rehna kepentaren,I ja sumber pengertin?+
21 E terbuni arah kerina manusia ras binatang si nggeluh,+Perik-perik i langit pe la idahna.
22 Nina ingan engkernepken ras kematen,‘Kusik-kusik saja ngenca si begi kami kerna kepentaren.’
23 Teh Dibata dalan guna ndatken kepentaren,Ia ngenca metehsa i ja inganna.+
24 Sebap seh ku ujung doni idahNa kerina,IdahNa kerina si lit i teruh langit.+
25 Sanga bereNa gegeh man angin,+Janah tetapkenNa uga buena lau,+
26 Sanga tetapkenNa musim udan+Janah tetapkenNa dalan man embun badai ras lenggur,+
27 Paksa si e idahNa kepentaren janah jelaskenNa.
Ia si erban kepentaren ras si ngujisa.
28 Nina man manusia,
‘Kepentaren eme mbiar man Jahwe,+Pengertin eme mpedauh kai si jahat.’”+
