Jop 29:1-25
29 Terusken Jop kata-katana,* nina,
2 “Bicara bagi si mbarenda ka mulihi geluhku,Sanga aku ijaga Dibata,
3 Sanga terangiNa takalku alu lampuNa,Sanga erdalan aku bas kegelapen alu terangNa,+
4 Sanga aku nguda denga,Sanga rembak aku ras Dibata,+
5 Sanga Si Madakuasa nemani aku,Sanga anak-anakku* lit i sekelilingku,
6 Sanga naheku iburihi alu susu,Maler ban gunung batu minak saitun man bangku.+
7 Sanga lawes aku ku gerbang kota,+Kundul aku bas ingan jelma si enterem,+
8 Anak muda si ngidah aku mereken dalan man bangku,Kalak si enggo metua pe tedis janah tetap tedis.+
9 Peminpin-peminpin la pang ngerana.
Tutup kalak e babahna alu tanna.
10 Kalak si penting sinik saja.
La lit kata-kata si ndarat arah babah kalak e.
11 Ise pe si megi kerna aku mujiken aku,Kalak si ngidah aku pe mujiken aku.
12 Sebap kalak si mesera si mindo penampat, lalap kuselamatken,+Bage pe anak si la erbapa ras kalak si la lit si nampatisa.+
13 Kalak si menam mate masu-masu aku,+Kuban meriah ukur diberu si enggo janda.+
14 Kupake kebenaren jadi pakenku,Keadilen jadi jubah ras penutup takalku.
15 Aku jadi mata man kalak si pentang,Jadi nahe man kalak si pincang.
16 Aku jadi bapak man kalak si mesera,+Kusampati kalak si la kutandai gelah datna keadilen.+
17 Kupenggelken rahang kalak jahat,+Kulepasken mangsana arah babahna nari.
18 Mbarenda ningku, ‘Bas rumahku pagi aku mate,+Wari-wari si kudalani bali pagi buena bagi kersik.
19 Urat-uratku seh ku ingan si mbue launa,Lalap lit embun bas dahan-dahanku segedang berngi.
20 Lalap aku ipujiken,Panah bas tanku lalap ipanahken.’
21 Merhat kel kalak megiken aku,Sinik kalak nimai nasehatku.+
22 Kenca aku ngerana, lanai lit si ngerana.
Meriah akap kalak e megiken kata-kataku.
23 Timai kalak e aku bagi nimai udan.
Kalak e bagi kalak si nimai udan bas awal musim perudan.+
24 Sanga cirem aku man kalak, la kalak tek, perban la arap kalak e kuciremi ia.
Adi idah kalak ayoku si ermeriah ukur, tenang akap kalak e.*
25 Aku jadi peminpin guna mereken petunjuk man kalak e,Aku bagi raja i tengah-tengah pasukenna,+Bagi kalak si mereken pengapul man kalak si erceda ate.+
Cataten i teruh
^ As. “kuan-kuanna.”
^ Ntah “pelayan-pelayan.”
^ Ntah banci saja “La berjut ayoku ban kalak e.”
