Jop 30:1-31
30 “Tapi gundari tawa kalak e nokohi aku+Eme kalak si ngudan asangken aku,Mbarenda bapakna pe la kubere ndeherRas biang si njaga asuh-asuhenku.
2 Kalak e la lit gunana man bangku.
Sebap enggo keri gegeh kalak e.
3 Latih akap kalak e perban mesera ras kelihen.
Ngat-ngatina taneh si gersang,Si enggo hancur janah la iingani.
4 Pepulung kalak e bulung-bulung si masin arah peren-perenRas urat-urat si pagit arah batang kayu guna jadi pangan kalak e.
5 Kalak e ipelawes arah jelma si enterem nari,+Janah isuraki bagi nuraki pinangko.
6 Kalak e tading bas lereng* lembah* si mbages,Bas lubang-lubang si lit i taneh janah bas gunung batu.
7 Serko kalak e arah peren-peren nariJanah siasak-asaken kalak e i peren si erduri.
8 Perban kalak e keturunen kalak si motu ras si la erguna,Emaka ipelawes kalak e arah negri e nari.
9 Tapi gundari, tokohi kalak e aku bas lagu-laguna.+
Aku jadi pertawa-tawan* kalak e.+
10 Ciga ate kalak e aku janah la kalak e nggit ndeher ras aku.+
Sitik pe kalak e la mbiar nciduri ayoku.+
11 Perban ban Dibata aku lemah janah peterukNa aku,Rate-ate kalak e man bangku.
12 Enterem kalak e reh guna nyerang aku.
Ban kalak e aku kiamJanah halangi kalak e dalanku gelah kena masalah aku.
13 Hancurken kalak e dalanku,Ban kalak e gelah mbelin kel masalahku,+Janah la lit ise pe si mpengadisa.*
14 Masuk kalak e tempa-tempa arah tembok si enggo hancur.
Janah serangna ingan si enggo hancur.
15 Kuatir kel aku.
Bene harga diriku embusken angin,Janah keselamatenku masap bagi embun.
16 Gundari, mate atena aku.+
Tiap wari aku rate mesui.+
17 Sanga berngi, mesui kuakap janah nucuk-nucuk bas tulanku.+
Ngilu kel kuakap la erngadi-ngadi.+
18 Alu gegeh si mbelin bajuku itarik.
Tempa-tempa kerah bajuku ncekak aku.
19 Benterken Dibata aku ku bas kubang.
Enggo bali aku bagi abu ras taneh.
20 Serko aku mindo penampatNdu, tapi la aloiNdu aku.+
Tedis aku, tapi nenNdu saja ngenca.
21 Kejam kel Kam nyerang aku.+
PekpekNdu aku asa gegehNdu.
22 AngkatNdu aku jenari pediatNdu aku kabangken angin.
Kenca si e benterkenNdu aku ku bas badai.
23 Kuteh maka babaNdu pagi aku ku kematen,Eme ku ingan kerina manusia lawes.
24 Situhuna kalak si la ergegeh labo lit si nyerangsa,+Sanga serko ia mindo penampat perban buena kel masalahna.
25 Mbarenda, la kin tangis aku ngidah kalak si susah geluhna?
La kin ceda ukurku ngidah kalak si mesera?+
26 Mbarenda ngarap kel aku dat terang ras keriahen,Kepeken si reh kegelapen ras kesusahen.
27 Getem pusuhku la erngadi-ngadi.
Kesusahen kap si kuadapi tiap wari.
28 Berjut aku sanga erdalan+ janah la lit terang.
Bas kalak si pulung, tedis aku janah serko aku mindo penampat.
29 Aku jadi keluarga biang kerangenJanah jadi teman anak burung unta.+
30 Kulitku enggo mbiring janah meluaken.+
Penakitku* erban tulan-tulanku melas.
31 Harpaku* ipake guna erceda ate,Janah sulingku guna kalak si tangis.
Cataten i teruh
^ Ntah “reben.”
^ As. “kuan-kuan.”
^ Ntah banci saja “si nampatisa.”
^ Ntah banci saja “Demam.”
^ Harpa eme alat musik si ersenar bagi gitar, tapi bentukna beda.