Jop 31:1-40
31 “Enggo kutetapken bas pusuhku,*+Labo kutatap singuda-nguda alu sura-sura si salah.+
2 Adi kuban bage, kai kin si kualoken arah Dibata si i surga?
Janah kai kin warisen si kudat arah Si Madakuasa?
3 Kalak jahat pasti kena bencanaJanah kalak si kejam pasti kena cilaka.+
4 La kin idah Dibata dalan-dalanku+Janah kiraNa langkah-langkahku?
5 Pernah kin aku erbual?*
Pernah kin kutipu kalak si deban?+
6 Dibatalah si nimbang aku alu timbangen si tepat.+
Alu bage tehNa pagi maka aku setia man baNa.*+
7 Adi pernah kin aku nilah bas dalan si benar nari,+Ntah pe pusuhku ngikutken mataku+Ntah pe tanku nagangi kai si jahat,
8 Adi bage kin, kalak si debanlah si manca benih si kusuan,+Janah kai si kusuan, icabut dungna.
9 Adi tergoda aku* man sekalak diberu+Janah erbuni-buni aku nimai+ diberu tetanggaku,
10 Pediatlah diberuku nggiling gandum man dilaki si deban,Janah pediatlah dilaki si deban erhubungen seks ras ia.+
11 Sebap perbahanen si bage tuhu-tuhu man kemelanken,Janah kesalahen si bage patut ihukum hakim.+
12 E bali bagi api si ngkeriken ras si ngancurken,+Ngkeriken kerina si lit bas aku.
13 Adi la aku adil man budakku si dilaki ras si diberuSanga ngadu-ngadu kalak e man bangku,
14 Kai nge pagi si kulakoken sanga aku ihakimi Dibata?
Uga nge pagi ningku njawapsa sanga sungkunNa aku?+
15 La kin seri nge Dibata si erban kalak e ras si erban aku i bas rahim?+
Ope lenga kami lahir,* la kin seri nge Dibata si mbentuk kami?+
16 Pernah kin la aku nggit nampati kalak mesera?+
Ntah pe kecewa kuban diberu si enggo janda?+
17 Panganku la kupan sisada,Tapi kubereken deba man anak si la ernande ras la erbapa.*+
18 (Perban nguda denga pe aku mbarenda enggo kupebelin-belin anak si la ernande ras la erbapa e, janah enggo bali aku bagi bapakna,Kitik-kitikku nari* enggo kusampati diberu si enggo janda.)
19 Sanga lit kuidah kalak si mate atena perban bergehenNtah kalak mesera si la lit kadena pe guna ncabini ia,+
20 La kin kubere nge kain wolku gelah lanai kalak e bergehen,Janah gelah pasu-pasuna aku?+
21 La pernah kuancam anak si la ernande ras si la erbapa,+Si merluken penampatku i gerbang kota.*+
22 Adi pernah kin, pediatlah tanku sirang arah baraku nari,Janah pediatlah penggel siku-sikuku.
23 Perban mbiar kel aku hukumen arah Dibata,Janah la banci aku tedis i lebe-lebe kemulianNa.
24 La pernah kuandalken emasNtah pe ningku man emas murni, ‘Kam kap si kuandalken!’+
25 La pernah kubanggaken kebayakenku+Amin pe melala kel ertaku.+
26 La pernah kutatap matawari si ersinarNtah pe bulan si mejile,+
27 Janah bas pusuhku tergoda aku,Kuema tanku guna nembahsa.+
28 Kesalahen si bage patut ihukum hakim,Perban enggo kutulak Dibata si benar.
29 Pernah kin meriah ukurku ngidah musuhku kena cilaka?+
Ntah pe meriah kuakap perban kai si la mehuli terjadi man bana?
30 La pernah kupediat babahku erdosaAlu numpahi ia janah ngarap gelah ia mate.+
31 Nina kalak si tading bas kemahku,‘Ise pe si man bas rumah Jop, pasti besur janah puas.’+
32 La lit kalak asing* si terpaksa erberngi i darat.+
Kubuka pintuku man kalak si sangana bas perdalanen.
33 Pernah kin kubuniken pelanggarenku bagi kalak si deban,+Alu muniken kesalahenku bas kantong uisku?
34 Pernah kin aku mbiar perban cakap jelma si enterem,Ntah pe nggirgir perban keluarga-keluarga si deban,Si erban aku sinik janah la pang ndarat?
35 Lit min ndai si megiken aku!+
Pasti kutandatangani kerina si enggo kukataken e.
Si Madakuasalah si njawap aku!+
Itulis kalak si nuduh aku min ndai tuduhenna i datas kertas!
36 Pasti megah kuakap mabasa i barakuJanah kuiket bagi mahkota i takalku.
37 Bali bagi sekalak peminpin, la aku mbiar ngadap Dibata.
Janah kukataken man baNa kerina si enggo kulakoken.
38 Adi ngadu-ngadu tanehku kerna aku,Janah taneh si ibajak pe ikut ngadu-ngadu,
39 Adi kupan hasil juma kalak janah la kugalari,+Ntah pe kuban si mpuna juma e jadi susah,+
40 Peren si erdurilah si turah man bangku, labo gandumJanah dukut si seh kel baunalah si turah, labo barli.”
Ngayak je ngenca kata-kata Jop.
Cataten i teruh
^ As. “Enggo kuban perjanjin ras mataku.”
^ Ntah banci saja “Pernah kin aku erdalan ras kalak si la benar?”
^ Ntah “maka aku la ersalah.”
^ As. “Adi leket ukurku.”
^ As. “Sanga kami bas rahim denga.”
^ As. “anak melumang.”
^ As. “Mulai kin aku bas rahim mamakku.”
^ Ntah banci saja “Amin gia lit si ndukung aku i gerbang kota.”
^ Ntah “penduduk asing.”