Jop 32:1-22
32 Perban benar akap Jop bana, emaka teluna temanna ndai lanai ngaloi.+
2 Tapi merawa Elihu perban usahaken Jop mbenarken dirina, labo Dibata.+ Elihu e anak Barakel keturunen Bus+ arah keluarga Aram.
3 Man teluna teman Jop ndai pe merawa kel Elihu, perban la terjawap kalak e Jop, tapi kataken kalak e Dibata jahat.+
4 Perban Elihu si ngudana i je, emaka timaina lebe kerina kalak ndai dung ngerana man Jop.+
5 Kenca idahna maka si telu kalak ndai lanai beluh njawap Jop, merawa kel ia.
6 Kenca si e, ngerana Elihu anak Barakel keturunen Bus e, nina,
“Aku nguda denga,Janah tuan kena asangken aku.+
Emaka kuhamati kena janah sinik aku,+La aku pang ngataken kai si kuteh.
7 Ningku bas ukurku, ‘Kalak si enggo metualah si ngerana,Janah kalak si metualah si mereken kepentaren.’
8 Situhuna, kesah si badia si bereken Dibata man manusia,Ras kesah Si Madakuasa nge si mereken pengertin man kalak e.+
9 Labo perban enggo metua maka kalak jadi pentar,Labo perban gedang umurna maka teh kalak apai si benar.+
10 Emaka begikenlah akuGelah kuturiken kai si kuteh.
11 Enggo sabar aku nimai kena dung ngerana.
Sanga ukuri kena kai si nandangi kataken kena,+Kubegiken kerina pendapat kena.+
12 Kuperdiateken kena kerina,Tapi sada pe kena la banci mbuktiken Jop ersalah,Ntah pe njawap kata-kata Jop.
13 Emaka ula ning kena, ‘Kami pentar.
Dibata kap si nalahken ia, labo manusia.’
14 Labo man bangku kata-kata Jop e,Emaka labo bagi kena aku njawap ia.
15 Enggo mbiar kalak e, lanai teh kalak e njawapsa,Lanai lit si man katanken kalak e.
16 Enggo kutimai tapi sinik saja kalak e,Tedis saja ia janah lanai lit si man katankenna.
17 Emaka kujawap ateku,Janah kukataken kai si kuteh.
18 Sebap melala si ateku kukataken,Kesah si badia ngiahken aku ngerana.
19 Bali kuakap aku bagi anggur bas kantong kulit* si itutup rapat,Bagi kantong kulit si mbaru si nandangi pecah.+
20 Pediat min aku ngerana gelah tenang pusuhku!
Ngerana ateku janah mereken jawapen.
21 Ise pe labo kubeda-bedaken,+Ise pe labo kupuji-puji,
22 Sebap labo aku beluh muji-muji,Bicara kuteh pe, pasti mis aku kernepken Si Nciptaken aku.
Cataten i teruh
^ Maksudna, ingan anggur si iban arah kulit binatang.
