Jop 33:1-33
33 “Tapi gundari o Jop, begiken min kata-kataku,Begiken kerina si kukataken.
2 Ngerana ateku, emaka begiken min aku,Arus aku ngerana.
3 Teridah arah kata-kataku maka bersih pusuhku,+Janah biberku tuhu-tuhu ngataken kai si kuteh.
4 Kesah Dibata kap si nciptaken aku,+Janah kesah Si Madakuasa kap si erban aku nggeluh.+
5 Adi ngasup kam, aloi dage aku,Ersikap kam janah kataken jawapenndu.
6 I lebe-lebe Dibata, seri kap aku ras kam,Aku pe arah taneh liat nari nge ibentuk.+
7 Emaka ula kam mbiar,Ula min latih ukurndu perban kai si kukataken.
8 Lalap kubegiken kata-katandu.
Payo, bagenda nindu lalap,
9 ‘Badia kap aku, labo lit pelanggarenku,+Bersih kap aku, labo lit salahku.+
10 Tapi darami Dibata alasen guna ngelawan aku,AnggapNa aku bagi musuhNa.+
11 PasungNa naheku,Janah perdiatekenNa tiap langkahku.’+
12 Tapi labo tuhu si katakenndu e, emaka enda me jawapenku:
Dibata ndauh hebaten asangken manusia.+
13 Engkai maka jungut-jungut kam man baNa?+
Perban la jawap Dibata kata-katandu?+
14 Enggo piga-piga kali Dibata ngerana,Tapi la lit si mperdiatekenca.
15 Bas berngi wari, sanga entabeh akap kalak medem,+Sanga medem kalak bas ingan medemna,Ngerana Dibata arah nipi ras pengenehenen.*
16 Kenca si e, bukaNa cuping kalak e,+Janah berekenNa petunjukNa man kalak e,
17 Guna mpedauh kalak arah perbahanen si salah,+Ras gelah ula kalak sombong.+
18 Selamatken Dibata geluhna arah kuburen,+JagaNa geluhna gelah ula ia mate alu pedang.*
19 Sekalak jelma banci ndatken pelajaren sanga ia sakit,Bage pe sanga lalap mesui tulan-tulanna.
20 Emaka ciga atena roti,Janah la ia pet pangan si entabeh.+
21 Kertang kel dagingna,Seh asa teridah tulan-tulanna.
22 Enggo reh deherna ia ku kuburen,Kesahna ndahi kalak si maba kematen.
23 Bicara lit min ndai sada malekat si ikirim man bana,Eme sada arah seribu malekat si ngerana guna ia,Guna ngataken kai si benar man bana,
24 Jenari mekuah ate Dibata man bana, janah nina,‘Selamatkenlah ia gelah ula ia masuk ku kuburen,+Perban enggo Kudat tebusen!+
25 Reh sehatnalah ia, sehaten asangken sanga ia nguda denga,+Mulihilah ia megegeh bagi sanga ia nguda denga.’+
26 Ertoto pagi ia man Dibata,+ janah pasu-pasu Dibata pagi ia,Idahna pagi ayo Dibata alu ermeriah ukur,Janah ban Dibata pagi manusia ianggap benar i lebe-lebeNa.
27 Umumkenna* pagi man jelma si enterem,‘Aku enggo erdosa+ janah kuputarbalikken kebenaren,Tapi aku la ihukum menurut kai si aturna kualoken.*
28 Enggo tebus Dibata kesahku emaka la aku masuk ku kuburen,+Janah terus pagi aku nggeluh.’
29 Situhuna, kerina endaEnggo mulih-ulih lakoken Dibata man manusia.
30 Guna nelamatken manusia arah kuburen nari,Alu bage banci ia iterangi cahaya kegeluhen.+
31 O Jop, perdiateken aku! Begiken aku!
Ula kam lebe ngerana, gelah kuterusken ngerana.
32 Adi lit si atendu katakenndu, kataken bangku.
Ngeranalah kam, sebap kubuktiken ateku kam benar.
33 Tapi adi la lit si man katankenndu, begiken aku,Sinik saja kam, gelah kuajarken kepentaren man bandu.”
Cataten i teruh
^ Eme kerna kai pe si cidahken Dibata ku bas pikiren sekalak jelma.
^ Ntah “senjata.”
^ As. “Endekenna.”
^ Ntah banci saja “Janah e la nguntungken aku.”
