Jop 34:1-37
34 Emaka terusken Elihu ngerana, nina,
2 “O kalak si pentar, begiken aku,O kalak si melala kel pemetehna, begiken aku.
3 Sebap cuping si nguji kata-kata,Bagi dilah* si ngakapi pangan.
4 Mari ras-ras sitetapken kai si benar,Ras-ras sitetapken kai si mehuli.
5 Sebap nina Jop, ‘Aku la ersalah,+Tapi la bere Dibata keadilen man bangku.+
6 Arus kin aku erbual janah kukataken la aku merhat ndatken keadilen?
Amin pe la lit pelanggarenku, lukaku lenga banci ipepalem.’+
7 Lit kin si bagi Jop,Si labo kapna dalih itokohi?*
8 Erteman ia ras kalak si ngelakoken si jahat,Janah erteman ia ras kalak jahat.+
9 Sebap nina, ‘Labo lit gunanaErban meriah ukur Dibata.’+
10 Emaka begiken aku, o kalak si lit pengertinna,Labo mungkin Dibata si benar ngelakoken si jahat,+Labo mungkin Si Madakuasa ngelakoken kai si salah!+
11 Upahi Dibata manusia menurut perbahanenna+Janah banNa manusia ngenanami akibat perbahanenna.
12 Dibata Si Madakuasa la nggit ngelakoken si jahat+Janah man ise pe la pernah la adil perbahanenNa.+
13 Ise kin si nuruh Dibata njaga doni enda,Janah ise kin si ngelantik Ia merentah doni enda?
14 Adi tetapken DibataMuat kesah ras kegeluhen kalak e,+
15 Kerina manusia pasti mate,Janah mulihken jadi abu.+
16 Emaka adi tuhu kin lit pengertinndu, perdiatekenlah enda,Begikenlah alu tutus kai si kukataken.
17 Labo lit kalak si segat atena keadilen si jadi penguasa.
Salahkenndu kin atendu penguasa si adil?
18 Katakenndu kin man sekalak raja, ‘Kam la erguna,’
Janah man bangsawan, ‘Kam kalak jahat’?+
19 Dibata labo erpilihen man peminpin-peminpinJanah labo ngenan ateNa kalak bayak asangken kalak mesera,+Sebap kalak e kerina ciptanNa kap.+
20 Banci kalak e rempet mate+ bas tengah berngi.+
Nggirgir kel kalak e jenari mate,Penguasa pe ibunuh, tapi labo alu tan manusia.+
21 Sebap mata Dibata mperdiateken dalan-dalan manusia,+Janah idahNa kerina si lakoken kalak e.
22 La lit ingan si gelap la soal uga pe gelapnaSi banci jadi ingan cebuni kalak jahat.+
23 Labo tentuken Dibata waktu man manusiaGuna reh ku adep-adepenNa jenari iadili.
24 La perlu selidikiNa lebe sanga hancurkenNa penguasaJenari lantikNa kalak si deban nggantikenca.+
25 Sebap tehNa kai si lakoken kalak e,+DabuhkenNa kalak e sanga berngi jenari hancur kalak e.+
26 SerangNa kalak e perban kejahatenna,Kerina kalak banci ngidahsa,+
27 Sebap lanai ikutken kalak e Ia,+Janah lanai diate kalak e dalan-dalanNa.+
28 Ban kalak e kalak mesera nderkuh man baNa,Emaka begikenNa sora nderkuh kalak si lemah e.+
29 Adi sinik Dibata, ise si banci ngerawai Ia?
Adi buang muka Ia, ise si banci ngidahsa?
La soal e lakokenNa man sada bangsa ntah pe man sekalak manusia, seri nge hasilna.
30 Emaka kalak si la nandai Dibata* la banci merentah,+Ntah pe nidingi kalak.
31 Nindu man Dibata,‘Aku ihukum amin pe la lit salahku.+
32 Kataken man bangku kai si la kuteh,Adi salah kin aku, lanai pagi kuulihi.’
33 Perban la kam setuju nandangi penghakimenNa, arus kin galariNa ganti rugi man bandu?
Banlah keputusen, labo aku si erbanca.
Emaka kataken kai si tehndu.
34 Kalak pentar si megiken akuRas kalak si lit pengertinna ngataken man bangku,
35 ‘Jop ngerana tapi la tehna uga situhuna,+Janah arah kata-katana teridah labo lit pengertinna.’
36 Pediatlah Jop iuji* keri-kerinPerban bagi kalak jahat ia ngerana!
37 Selain erdosa, mberontak ka ia.+
Tepuk tan ia guna nokohi kami,Janah melala kata-katana si ngelawan Dibata si benar!”+
Cataten i teruh
^ As. “langit-langit babah.”
^ As. “Si inemna ranan kalak si nokohi bagi nginem lau?”
^ Ntah “kalak murtad.”
^ Ntah banci saja “O Bapak, pediatlah Jop iuji.”
