Jop 35:1-16
35 Nina Elihu ka,
2 “Engkai maka tek kel kam maka kam la ersalah janah nindu,‘Adilen* aku asangken Dibata’?+
3 Nindu, ‘Kai kin gunana man bandu adi kulakoken si mehuli?*
Reh ulina kin keadanku adi la aku erdosa?’+
4 Kujawap ateku kamRas teman-temanndu+ enda.
5 Tataplah ku langit janah nenlah.
Perdiatekenlah embun-embun+ si meganjang si lit i datasndu.
6 Adi erdosa kam, rugi kin Dibata?+
Adi melala pelanggarenndu, kai kin pengaruhna man baNa?+
7 Adi benar kam, kai kin si berekenndu man baNa?
Kai kin si alokenNa arah kam?+
8 Manusia si bagi kam ngenca si banci ipengaruhi perbahanenndu si jahat e,Janah anak manusia ngenca si ipengaruhi perbahanenndu si mehuli e.
9 Adi manusia itindas, nderkuh ia,Nderkuh ia gelah ibebasken arah tan kalak si erkuasa.+
10 Tapi la lit si ngataken, ‘Mari sidarami Dibata Si Nciptaken kita,+Si erban kita rende sanga berngi.’+
11 Ban Dibata buen pemeteh+ manusia asangken binatang i doni,+Janah banNa manusia pentaren asangken perik-perik i langit.
12 Serko manusia mindo penampat, tapi la jawapNa,+Perban kalak e sombong ras jahat.+
13 Pasti la begiken Dibata kalak si serko adi la arah pusuhna nari.*+
Labo perdiateken Si Madakuasa ia.
14 Apai ka adi jungut-jungut kam perban la kam perdiatekenNa!+
Perkarandu lit i lebe-lebeNa, emaka arus timaindu Ia.+
15 Sebap labo Ia merawa janah labo hukumNa kam,Labo ingetNa kata-katandu si kasar e.+
16 Sia-sia nge kam melala ngerana,Melala si katakenndu tapi labo tehndu uga situhuna.”+
Cataten i teruh
^ Ntah “Benaren.”
^ Ntah “Kai kin gunana man baNdu adi kulakoken si mehuli?”
^ Ntah “adi ia erbual.”
