Jop 36:1-33
36 Nina Elihu ka,
2 “Sabar kam lebe sanga aku ngerana,Perban lit denga si ateku kukataken bas gelar Dibata.
3 Kukataken ateku kerina si kuteh,Janah kubuktiken ateku maka Si Nciptaken aku adil.+
4 Situhuna payo kap kerina si kukataken man bandu,Kata-kata enda rehna arah Ia si sempurna pemetehNa.+
5 Dibata megegeh kap+ janah labo segat ateNa ise pe,Luar biasa kel kengasupenNa guna ngangkai.
6 Labo lindungiNa kalak jahat,+Tapi berekenNa keadilen man kalak si susah.+
7 Lalap perdiatekenNa kalak si benar,+LantikNa kalak e jadi raja,*+ janah peganjangNa kalak e seh rasa lalap.
8 Tapi adi irante kalak eJanah iiket alu rante kesusahen,
9 Kataken Dibata man kalak e kesalahen kalak e,Si lakoken kalak e perban sombong.
10 BerekenNa persinget ku cuping kalak e,KatakenNa gelah lanai lakoken kalak e kai si salah.+
11 Adi patuh kalak e janah layanina Dibata,Makmur kalak e ndalani wari-warina,Janah meriah akap kalak e arah tahun ku tahun.+
12 Tapi adi la kalak e patuh, kernep pagi kalak e alu pedang,*+Mate kalak e la erpemeteh.
13 Kalak si la nandai Dibata* merawa dungna.
La kalak e nderkuh mindo penampat amin gia enggo iketNa kalak e.
14 Mate kalak e sanga nguda denga,+Nggeluh* kalak e ras dilaki-dilaki pelacur ingan ersembah.+
15 Tapi selamatken Dibata kalak si sangana kesusahen,Ngerana Ia man kalak e sanga kalak e itindas.
16 Pulahi Dibata kam arah kesusahen+Janah babaNa kam ku ingan si mbelang si la lit batasna.+
I mejandu lit pangan si entabeh gelah terapuli kam.+
17 Puas pagi kam sanga kalak jahat ihakimi,+Sanga penghakimen ilakoken ras keadilen itegakken.
18 Tapi hati-hatilah kam. Ula perban rawandu lakokenndu kai si jahat,+Janah ula perban buena kam isogok, dungna papak kam.
19 Adi bage banndu, sia-sia kam nderkuh mindo penampat,Janah kai si lakokenndu gelah ula susah, labo pagi berhasil.+
20 Ula tedeh atendu berngi,Eme paksa mulih kalak ku inganna.
21 Ula pilihndu ngelakoken si salah,Perban la kam ngasup nggengken kesusahen.+
22 Dibata imuliaken perban kuasaNa.
Lit kin guru si lebih mulia asangken Ia?
23 Ise si ngasup ngajari* Ia?+
Ntah ngataken man bana, ‘Salah kap si lakokenNdu e’?+
24 Ula kam lupa muji perbahanenNa,+Si endeken kalak bas lagu.+
25 Kerina manusia enggo ngidah perbahanenNa e,Tapi arah ndauh nari ngenca manusia banci ngidah perbahanenNa e.
26 La banci siteh uga belinna kuasa Dibata,+Janah tahun-tahunNa la terkira.+
27 Dibata kap si erban lau nangkih ku datas,Jenari bentukNa jadi taktak udan.+
28 Kenca si e banNa udan e naktak bas embun nari,+Janah nusur udan e ku kerina manusia.
29 Ise pe la meteh uga perkimbang embun-embun,Bage pe sora lenggur bas inganNa tading.*+
30 Nenlah uga Dibata erban kilap+ merap i je,Janah tutupiNa dasar laut alu lau.
31 Alu bage sikapkenNa keperlun manusia,SikapkenNa melala pangan man kalak e.+
32 TagangiNa kilap alu tanNa,Janah arahkenNa kilap e kena ku sasarenna.+
33 Sora lenggur nceritaken kerna Ia,Janah asuh-asuhen nceritaken kerna ise* si reh.
Cataten i teruh
^ Ntah banci saja “LantikNa raja-raja.”
^ Ntah “senjata.”
^ Ntah “Kalak murtad.”
^ Ntah banci saja “Mate.”
^ Ntah banci saja “mandangi.”
^ As. “bas sapoNa.”
^ Ntah banci saja “kai.”
