Jop 37:1-24
37 “Si e erban jantungku debet-debetJanah meter kel perdebetna.
2 Begikenlah soraNa si megangBage pe sora lenggur si ndarat arah babahNa.
3 BanNa sora lenggur e terbegi i teruh langitJanah kirimNa kilapNa+ seh ku ujung-ujung doni.
4 Kenca si e lit terbegi sora si megang,Sora Dibata si megang bagi sora lenggur,+Janah sanga Ia ngerana, kilap pe siayak-ayaken.
5 Luar biasa kel sora Dibata+ si bali bagi sora lenggur,PerbahanenNa si hebat la banci siangka.+
6 Nina man salju, ‘Ndabuhlah ku doni,’+
Janah nina man udan, ‘Mederlah.’+
7 Pengadi Dibata pendahin manusiaGelah kerina manusia meteh pendahinNa.
8 Binatang liar masuk ku asarnaJanah la ia ndarat arah inganna nari.
9 Rembus angin badai,+Janah reh angin si mbergeh radu ras angin utara.+
10 Alu kesah Dibata jadi me es,+Janah laut si mbelang pe beku.+
11 DemiNa embun alu lau,Janah merap banNa kilap+ i embun.
12 Kabang embun ku ingan si perentahkenNa,Janah lakokenna kai pe si suruhNa+ i belang-belang doni si lit pendudukna.
13 Suruh Dibata embun ngukum manusia+ ntah erban taneh jadi litap,Janah ncidahken kekelengenNa si setia.+
14 O Jop, begikenlah.
Sinik kam, perdiatekenlah alu megermet perbahanen Dibata si luar biasa.+
15 Tehndu kin uga Dibata ngatur* embun,Janah uga Ia erban kilap ersinar arah embun nari?
16 Tehndu kin uga maka embun banci kabang-kabang?+
Enda kerina pendahinNa eme Ia si sempurna pemetehNa.+
17 Sanga rembus angin selatan si erban doni enda jadi melungen,+Tehndu kin engkai maka melas kapndu bajundu?
18 Kimbangken Dibata langit+ bali bagi erban cermin logam si piher.
Banci kin lakokenndu bagi si lakoken Dibata?
19 Kataken man kami kai si arus kataken kami man Dibata.
La teh kami njawapsa perban kami bas gelap.
20 Arus kin ikataken man Dibata adi ngerana ateku?
Ntah lit kin kata-kata si seh kel pentingna maka arus begikenNa?+
21 Amin gia cerah langit,La banci idah kalak matawari si itutupi embun,Seh asa rembus angin janah kabangkenna embun e.
22 Arah utara nari, teridah sinar si warnana bali bagi emas,Luar biasa kel kemulian Dibata.+
23 La kita ngasup ngangkai kerna Si Madakuasa.+
Mbelin kel kuasaNa,+Kerina si lakokenNa adil+ ras benar.+
24 Emaka manusia arus mbiar man baNa.+
Sebap la meriah ukur Dibata ngidah kalak si pentar akapna bana.”+
Cataten i teruh
^ Ntah “nuruh.”
