Jop 39:1-30
39 “Tehndu kin ndigan kambing gunung ngelahirken anakna?+
Pernah kin idahndu rusa ngelahirken anakna?+
2 Pernah kin kirandu piga bulan maka ia melahirken?
Tehndu kin katawari ia melahirken?
3 Mungkuk ia sanga lahirkenna anakna,Kenca si e lanai kapna mesui.
4 Reh gegehna anakna e ras reh galangna bas taneh si mbelang ras peren.
Lawes anakna e janah lanai mulihken ku indungna.
5 Ise kin si mulahi kelede liar,+Janah ise si ngelepasken nali kelede liar?
6 Kuban gurun pasir jadi rumahnaJanah taneh si ersira jadi inganna tading.
7 Segat atena kota si gejek.
La atena begina sora kalak si serko nuruh ia erdahin.
8 Siarina bukit-bukit ndarami ingan si melala dukutnaBage pe kerina sinuan-sinuan si meratah.
9 Nggit kin lembu jantan liar erdahin man bandu?+
Nggit kin ia erberngi bas kandang asuh-asuhenndu?
10 Banci kin iketndu lembu jantan liar alu nali guna mbajak?
Nggit kin ia patuh man bandu guna mbajak lembah?
11 Banci kin andalkenndu gegehna si luar biasa,Janah suruhndu ia ndahiken dahinndu si mberat?
12 Banci kin andalkenndu ia maba hasil peraninndu,Janah pepulungna kin e ku inganndu ngerik?*
13 Kepak-kepakken burung unta kabengna alu ermeriah ukur,Tapi banci kin ujung kabengna bage pe mbuluna ipeseri ras burung bangau?+
14 Tadingkenna telorna bas taneh,Janah pediatna abu si erbanca melas.
15 La tehna maka telorna e banci pecah perban terperjakJanah banci ka lit binatang liar si merjakisa.
16 Kejam ia man anak-anakna, tempa-tempa e labo anakna.+
La ia mbiar sia-sia kerja kerasna.
17 Dibata kap si erban ia la pentarJanah la bereNa pengertin man bana.
18 Tapi sanga pebelangna kabengna janah kepak-kepakkenna,Tawa-tawaina kuda ras kalak si nangkihisa.
19 Kam kin si mereken gegeh man kuda?+
Kam kin si namaken buk bas kudukna?
20 Kam kin si erban ia lompat bagi labang?
Ngeri kel sorana ngengkus.+
21 Hentak-hentakkenna nahena i lembah janah megegeh ia lompat,+Kiam ia ku ingan peperangen.+
22 Tawa-tawaina kebiaren, janah kai pe la ia mbiar.+
La ia mundur perban pedang.
23 Ingan anak panah si iban bas kerahungna mugur-ugur,Tombak ras lembing erndilap sanga ia kiam.
24 Semangat kel ia maju,*La ia banci kem* sanga begina sora trompet.
25 Sanga begina sora trompet, megang banna sorana.
Arah ndauh nari pe anggehna bau perangJanah begina sora panglima bage pe sora perang.+
26 Perban pengertinndu kin maka burung falkon kabang,Janah kabang ia ku selatan?
27 Kam kin si merentahken kuliki kabang ku datas+Janah banna asarna bas ingan si meganjang?+
28 Erberngi ia bas tebing,Tading ia bas tebing batu si paguh.
29 Arah je nari daramina pangan.+
Ndauh-ndauh nari pe idahna.
30 Anak-anakna ngincep dareh.
I ja lit bangke, enggo i je ia.”+
