Jop 4:1-21
4 Nina Elipas+ kalak Teman e ngaloi,
2 “Adi lit kalak si ngerana atena man bandu, segat nge atendu?
Lanai terban aku sinik saja.
3 Payo tuhu, enggo melala kalak si persingetindu,Mbarenda pegegehindu kalak si lemah.
4 Kata-katandu mereken gegeh man kalak si lemah,Pegegehindu kalak si nandangi ndabuh.*
5 Tapi gundari, e si terjadi man bandu, janah enggo latih akapndu.
Si e terjadi man bandu janah kitik ukurndu.
6 Adi hamatindu Dibata, la kin arusna tek kam man baNa?
Adi setia kam,+ la kin arusna lit arapenndu?
7 Ingetlah: Pernah kin kalak si la ersalah meter mate?
Pernah kin kalak si bujur ikernepken?
8 Si kuidah, kalak si mbajak juma* kejahatenBage pe kalak si nuan benih masalah, pasti peranina akibatna.
9 Kernep kalak e perban kesah Dibata,Kernep kalak e perban iembus rawa Dibata.
10 Singa erngaung, singa si nguda denga erdengum,Tapi singa si megegeh pe banci penggel ipenna.
11 Mate sada singa perban la lit mangsana,Anak-anak singa pe merap.
12 Lit rahasia si ipeseh man bangku,Janah kusik-kusik e begi cupingku.
13 Sanga berngi, sanga entabeh kel perpedem kalak,Ernipi aku, latih kuakap ngukuri nipi e.
14 Nggirgir aku perban biarna,Kerina tulan-tulanku pe nggirgir.
15 Lit si lewat i lebe-lebe ayoku,Nangkih mbulu kudukku.
16 Ngadi ia,Tapi la kuteh kai e.
I lebe-lebe mataku ia,La lit sora kai pe, kenca si e lit kubegi sora, nina,
17 ‘Banci kin manusia biasa benaren asangken Dibata?
Banci kin manusia bersihen asangken Si Nciptaken ia?’
18 La Ia tek man pelayan-pelayanNa,DaramiNa kesalahen malekat-malekatNa.*
19 Apai ka kalak si tading bas rumah si iban arah taneh liat nari,Si pondasina bas abu,+Si gampang kel ihancurken bagi serangga!
20 Sanga pagi-pagi nggeluh kalak e, sanga berngi enggo hancur kalak e.
Kernep kalak e seh rasa lalap, la lit si mperdiatekenca.
21 Kalak e bagi kemah si runtuh perban ilepasken nalina.
Mate kalak e janah la erpemeteh.
Cataten i teruh
^ Ntah “kalak si nggirgir tiwenna.”
^ Ntah “kalak si ngerencanaken.”
^ Ntah “utusen-utusenNa.”
