Jop 40:1-24
40 Nina Jahwe ka man Jop,
2 “Cocok kin manusia ndarami kesalahen Si Madakuasa janah ngelawan Ia?+
Kalak si atena mereken persinget man Dibatalah si njawapsa.”+
3 Nina Jop man Jahwe,
4 “Aku labo erguna.+
Kai nari ningku njawap Kam?
Kututup babahku alu tanku.+
5 Enggo piga-piga kali aku ngerana,Tapi sekali enda lanai kujawap janah lanai aku ngerana.”
6 Kenca si e jawap Jahwe me Jop arah angin badai nari,+ nina,
7 “Ersikaplah kam bagi sekalak dilaki.
Kusungkuni kari kam janah arus jawapndu.+
8 Persoalkenndu kin atendu keadilenKu?
Salahkenndu kin atendu Aku gelah kam si ikataken benar?+
9 Seri kin gegehndu ras gegeh Dibata si benar?+
Banci kin erlenggur sorandu bagi soraNa?+
10 Adi bage, tuduhken dage kemulianndu ras gegehndu.
Tuduhken dage kehamaten ras kehaganndu.
11 Pekerilah kerina rawandu.
Tataplah kerina si sombong janah peteruklah ia.
12 Tataplah kerina si sombong janah ban gelah mela kapna.
Adi datndu kalak jahat mislah perjaki.
13 Tanemken kalak e kerina bas abu.
Iketlah kalak e bas ingan si terbuni.
14 Adi banci banndu bage,Kuakui* maka banci selamatkenndu bandu alu gegehndu.
15 Perdiatekenlah Behemat.* Aku kap si nciptaken kam ras ia.
Dukut kap panganna, bali ras lembu.
16 Nenlah uga gegehna awaknaBage pe uga gegehna otot-otot beltekna!
17 Ikurna piher bagi batang kayu aras.
Urat-urat pahana sikawiten.
18 Tulan-tulanna bagi pipa tembaga.
Nahena bagi tongkat besi.
19 Ia si hebatna* arah kerina ciptan Dibata.
Si Nciptaken ia ngenca si ngasup nyerangsa.
20 Gunung-gunung ngasilken pangan man bana,I je me kerina binatang main-main,
21 Gempang ia i teruh batang kayu si erduri,Cebuni ia bas dukut-dukut si lit i paya-paya.*
22 Batang-batang kayu si erduri ngelinggemi ia,Batang-batang poplar* si lit i lembah* engkelilingi ia.
23 Amin pe deras kel lau si maler, la ia mbiar.
Amin pe Lau Jordan+ ngentam ia, tetap ia tenang.
24 Ise si banci nangkap ia arah lebe nari?
Janah nucuk igungna alu pengkawit?*
Cataten i teruh
^ Ntah “Kupuji kam.”
^ Mungkin kuda nil.
^ As. “si tangtangna.”
^ Ntah “rawa-rawa.”
^ Ntah “batang dalu-dalu.” Eme batang kayu si biasa turah i deher lau maler i Timur Tengah.
^ As. “siding; jerat.”
