Jop 6:1-30
6 Kenca si e, nina Jop ngaloi,
2 “Bicara itimbang min ndai kesusahenku+Janah itamaken i datas timbangen radu ras masalahku,
3 Enggo beraten asangken kersik i laut.
Em sebapna maka kubelasi saja ngerana.+
4 Panah Si Madakuasa enggo nembus aku,RacunNa enggo menyebar bas dagingku.+
Serang Dibata aku, janah mbiar kel aku.
5 Nderkuh kin kelede+ adi lit dukut si man panganenna?
Ntah ersora kin lembu adi lit panganna?
6 Terpanndu kin pangan si la itama sira,Ntah lit kin nanamna putih telor si matah denga?
7 Pangan si bage, ngkuitsa pe teku lang.
Bali kuakap e bagi pangan si erban aku mutah.
8 Bere Dibata min ndai pemindonku,SehkenNa min ndai sura-suraku!
9 Nggit min Dibata ngancurken aku,DudurkenNa min tanNa guna munuh aku!+
10 Si e jadi pengapul man bangku.
Lompat-lompat aku perban riahna ukurku amin pe mesui kuakap,Sebap la pernah kutulak kata-kata Dibata si Badia.+
11 Megegeh denga kin aku lalap nimai?+
Kai kin si nimai aku makana arus lalap aku nggeluh?
12 Bas batu nari kin aku iban?
Ntah tembaga kin dagingku?
13 Banci kin kusampati bangku,Padahal la lit si nampati aku?
14 Ise pe si la setia engkelengi temanna+Pasti la ia mbiar man Si Madakuasa.+
15 Teman-temanku* pe lanai aku tek,+ kalak e bagi lau maler bas musim mbergeh,Bagi lau maler si kerah bas musim mbergeh.
16 Lau e dem alu es si mencairRas salju.
17 Tapi sanga musim las, keri launa janah lanai lit.
Sanga las wari, kerah launa.
18 Launa lanai bas jalurna.
Maler launa ku gurun pasir, dung e lanai lit.
19 Rombongen arah Tema+ ndarami lau e.
Rombongen arah Seba*+ nimai lau e.
20 Seh kenca kalak e i je, mela akapna.
Perban ngarap kel kalak e, emaka kecewa kel ia.
21 Bage me kena.+
Sanga idah kena mberat kel masalahku, mbiar kena.+
22 Pernah kin aku mindo man kena?
Pernah kin kupindo gelah bereken kena hadiah arah erta kena?
23 Pernah kin kupindo gelah aku iselamatken arah tan musuh,Ntah iselamatken* arah kalak si nindas?
24 Ajari dage aku, janah sinik pagi aku.+
Sampati aku gelah kuteh kai salahku.
25 Meriah tuhu ukur megi kata si tuhu!+
Tapi lit kin gunana kata-kata kena si mandangi e?+
26 Pandangi kena kin ate kena kata-kataku,Kata-kata kalak si putus asa+ si bagi angin si rembus?
27 Anak si la ernande ras si la erbapa iundi kena,+Teman kompak kena pe dayaken kena!+
28 Emaka tataplah aku,Labo aku erbual man kena.
29 Ukuri min sekali nari, ula kena salah sangka man bangku.
Ukuri sekali nari, sebap labo aku salah.*
30 Akap kena kin aku erbual?
Akap kena kin la kuteh engkai maka mberat masalahku?
Cataten i teruh
^ As. “Senina-seninaku.”
^ Ntah “kalak Seba.”
^ As. “itebus.”
^ Ntah “sebap aku benar.”
