Jop 7:1-21
7 “Kegeluhen manusia i doni bagi pekerja paksa,Janah tiap wari kalak e bagi buruh upahen.+
2 Bagi budak si ngarap gelah meter min ben wari,Bagi buruh upahen si nimai upahna.+
3 Bulan ku bulan sia-sia geluhku,Berngi ku berngi mesui kel kuakap.+
4 Sanga tayang aku, kurang ter kuakap terang.+
Ndekahsa kuakap terang, gelisah aku gedang-gedang berngi seh asa erpagi-pagi.
5 Dagingku enggo berngan janah melala abu leketen.+
Ugahen janah nanahen kerina kulitku.+
6 Wari-wariku meter kel lewat,+Ntisik nari mate aku, janah la lit arapenku.+
7 O Dibata, inget min, ntisik ngenca geluhku,+Janah lanai pernah kuakap meriah.*
8 Mata si gundari ngidah aku, ngasa ndigan pe lanai pernah ngidah aku.
DaramiNdu pagi aku, tapi lanai aku lit.+
9 Bagi embun si bene ras masap,Kalak si nusur ku Kuburen* ndigan pe lanai mulihken.+
10 Ndigan pe lanai ia mulihken ku rumahna,Janah inganna tading pe lanai nginget ia.+
11 Emaka lanai terban aku sinik.
Ngerana ateku perban mesui kel pusuhku.
Jungut-jungut ateku perban beratna masalahku!+
12 Laut kin aku, ntah raksasa bas laut kin aku,Maka lit banNdu lalap si njagai aku?
13 Sanga ningku, ‘Ingan medemku banci ngapuli aku,Ingan medemku banci nguraki si mesuiku,’
14 Tapi pebiar-biarNdu aku alu nipiBage pe alu pengenehenen.*
15 Emaka pangen kuakap mate lemas,Payo, pangen kuakap mate asangken nggeluh bagenda.+
16 Ciga ateku geluhku.+ Lanai ateku nggeluh.
Tadingken saja aku, perban geluhku bali bagi asap.+
17 Kai kin manusia e maka ukuriNdu kerna ia,Maka arus perdiatekenNdu ia?+
18 Engkai maka tiap erpagi-pagi pereksaNdu ia,Janah la erngadi-ngadi ujiNdu ia?+
19 Engkai maka nenNdu aku lalap?
Tadingken aku ntisik sajalah gia gelah sempat kubendut cidurku.+
20 O Kam Si Ngidah kerina si lakoken manusia, bicara erdosa gia aku, banci kin Kam kusakiti?+
Engkai maka aku banNdu jadi sasarenNdu?
Jadi beban kin akapNdu aku?
21 Engkai maka la ampuniNdu pelanggarenkuJanah lupakenNdu kesalahenku?
Ntisik nari mate aku janah mulihken jadi abu,+DaramiNdu pagi aku, tapi aku lanai lit.”
Cataten i teruh
^ As. “Janah mataku lanai pernah ngidah si mehuli.”
^ Eme kerna kai pe si cidahken Dibata ku bas pikiren sekalak jelma.
