Jop 8:1-22
8 Ngaloi Bildat+ anak Suah,+ nina,
2 “Asa kai nari dekahna kam ngerana?+
Kata-kata si ndarat arah babahndu ena bagi ranan si sia-sia!*
3 Putarbalikken Dibata kin keadilen,Putarbalikken Si Madakuasa kin kebenaren?
4 Adi erdosa anak-anakndu si dilaki man baNa,HukumNa kalak e perban pemberontaken kalak e.
5 Tapi adi daramindu Dibata,+Pindondu perkuah ate Si Madakuasa,
6 Janah adi tuhu-tuhu kam badia ras bujur,+PerdiatekenNa me kam,BanNa kam mulihken bagi si mbarenda.
7 Amin gia tangtangna kam kalak si la penting,Bas wari si pepagi seh kel kam bayakna.+
8 Sungkunilah nini bulangta,Perdiatekenlah kai si pelajari nini bulang kalak e.+
9 Nderbih denga nge kita lahir, kai pe labo siteh,Perban geluhta ntisik kel ngenca.
10 Ajari kalak e pagi kamJanah katakenna kai si tehna.
11 Banci kin meganjang perturah batang papirus* bas taneh si la erlau?
Banci kin meganjang perturah peren adi la lit lau?
12 Pasti leben ia melus asangken sinuan-sinuan si debanna,Sanga bungana lenga mekar ras lenga ipotong.
13 Bage me si terjadi man kerina kalak si ngelupaken Dibata,Perban kai si arapken kalak si la nandai Dibata* labo pernah terjadi.
14 Tek kalak e man kai si sia-sia,Tek kalak e man kai si nukah hancur bagi asar* laba-laba.
15 Tertande ia ku asar laba-laba e, tapi hancur asar laba-laba e,Tagangina e, tapi la tahan.
16 Bali ia bagi sinuan-sinuan si segar i teruh sinar matawari,Tunas-tunasna seh ku belang-belang taman.+
17 Uratna njoler i antara batu-batu,Daramina ingan tading i celah-celah batu.
18 Tapi sanga icabut ia arah inganna,Inganna e la ngakui ia, nina, ‘La kam kutandai.’+
19 Bage me ia lanai lit.+
Kenca si e, turah sinuan-sinuan si deban bas inganna e.
20 Ndigan pe la tulak Dibata kalak si setia,Ndigan pe la pernah sampatiNa kalak jahat.
21 BanNa pagi kam tawa mulihiErsurak-surak alu ermeriah ukur.
22 Ipermelaken pagi kalak si rate segat man bandu,Lanai pagi lit kemah kalak jahat.”