Jop 9:1-35
9 Nina Jop ngaloi,
2 “Kuteh nge payo bage.
Tapi banci kin manusia si biasa benar i lebe-lebe Dibata?+
3 Adi lit kalak si erdebat atena ras Ia,*+Arah seribu penungkunenNa, sada pe labo mungkin terjawap kalak e.
4 Dibata e pentar, mbelin kuasaNa.+
Ise si ngasup ngelawan Ia tapi la kena cilaka?+
5 PindahkenNa gunung-gunung janah ise pe la metehsa,JungkirbalikkenNa gunung-gunung alu rawaNa.
6 Ugur-ugurNa doni,Emaka mugur-ugur tiang-tiangna.+
7 PerentahkenNa matawari gelah ula ersinar,TutupNa sinar bintang-bintang.+
8 Ia si ngkimbangken langit,+Erdalan Ia i datas gelombang laut si meganjang.+
9 Ia kap si erban bintang* As,* bintang Kesil,* ras bintang Kima,*+Bage pe bintang-bintang selatan.
10 Hebat kel si lakokenNa, la kita ngasup ngangkaisa,+Luar biasa kel si lakokenNa, la terkira buena.+
11 LewatiNa aku tapi la kuidah Ia,Lewat Ia i lebe-lebeku tapi la kutandai.
12 Adi lit si ateNa rampasNa, ise si banci ngelawanca?
Ise si banci nungkun man baNa, ‘Erkai Kam e?’+
13 La tahan-tahan Dibata rawaNa,+Si nampati Rahap*+ pe sujud man baNa.
14 Apai ka sanga ercakap-cakap aku ras Ia,Arus kupilih kata-kataku alu megermet guna sijawapen ras Ia!
15 Amin gia benar aku, labo kari Ia kujawap.+
Mindo perkuah ate ngenca aku banci man hakimku.*
16 AloiNa kin aku bicara erlebuh aku man baNa?
Labo aku tek nggit Ia megiken aku,
17 HancurkenNa aku alu badai,La pe lit sebapna reh buena banNa luka-lukaku.+
18 Erkesah pe aku la sempat banNa,BanNa reh masalahku la erngadi-ngadi.
19 Adi kerna gegeh nindu, Ia si megegehna.+
Adi kerna keadilen, nina, ‘Ise si banci nuntut Aku ku pengadilen?’
20 Benar pe aku, babahku sendiri si ngataken aku ersalah,Lalap pe aku setia,* katakenNa aku ersalah.
21 Amin gia lalap aku setia,* la kuteh kai pagi si terjadi man bangku.
Segat ateku geluhku.
22 Seri nge kuakap kerina. Emaka bagenda ningku,‘Kalak si la ersalah* ras kalak jahat, radu-radu kernepkenNa kerina.’
23 Adi rempet reh banjir si erban kalak rempet mate,TawaiNa kalak si la ersalah si enggo putus asa e.
24 Doni enda berekenNa man kalak jahat.+
TutupiNa mata* hakim-hakim doni enda.
Ise dage si erban bage adi la kin Ia?
25 Wari-wariku meter erdalan janah teren asangken kalak si erlumba,+Tapi la lit sada pe si mehuli.
26 Wari-wariku meter erdalan bagi perahu si meter,Bagi kuliki si nusur nangkap mangsana.
27 Adi ningku, ‘Kulupaken pagi si mesuiku,Lanai aku sedih janah ermeriah ukur aku,’
28 Tetap denga aku mbiar perban kerina si mesuiku.+
Janah kuteh tetap nge akapNa aku ersalah.
29 Adi tetap nge ikataken aku ersalah,*
Me pangen aku nyerah?+
30 Bicara ridi pe aku alu salju si enggo cair,Janah kucuci tanku alu sabun,+
31 Pasti kari gedapkenNa aku bas lubang si erkubang,Emaka pakenku pe ciga atena aku.
32 La banci kujawap Ia ntah pe kutuntut Ia ku pengadilen,Sebap Ia labo manusia bagi aku.+
33 La lit kalak si banci erban keputusen i antara kami,Si banci jadi hakim kami.
34 Adi nggit Ia ngadi mekpeki aku,*Janah lanai pebiar-biarNa aku,+
35 Pasti aku la mbiar ngerana man baNa,Perban aku labo perbiar.
Cataten i teruh
^ Ntah “si maba Ia ku pengadilen.”
^ Enda gelar kelompok-kelompok bintang. Adi inen doni nari bentukna beda-beda, lit bagi binatang ntah pe si debanna.
^ Mungkin kelompok bintang Kartika (Pleiades) bas kelompok bintang Taurus.
^ Mungkin kelompok bintang Belantik (Orion).
^ Mungkin kelompok bintang Beruang Galang (Ursa Mayor).
^ Mungkin raksasa laut.
^ Ntah banci saja “man lawan hukumku.”
^ Ntah “La pe aku ersalah.”
^ Ntah “Amin gia aku la ersalah.”
^ Ntah “kalak si terus setia.”
^ As. “ayo.”
^ As. “jahat.”
^ As. “Adi nggit Ia mindahken tongkatNa arah datasku nari.”
