Josua 10:1-43
10 Raja Adonisedek arah Jerusalem enggo megi maka irebut Josua janah hancurkenna kota Ai. Bagi si banna man Jeriho ras rajana,+ bage ka banna man Ai ras rajana.+ Begina ka maka kalak Gibeon enggo erdame ras kalak Israel+ janah ras kalak e tading.
2 Kenca begina kerna si e, mbiar kel ia,+ sebap Gibeon e kota si galang, bagi kota si iperentah sekalak raja. Kota e galangen asangken Ai+ janah kerina dilaki si lit bas kota e pejuang.
3 Emaka Adonisedek raja Jerusalem ngirim pesan enda man Hoham raja Hebron,+ Piran raja Jarmut, Japia raja Lakis, ras Debir raja Eglon,+ nina,
4 “Sampati aku, ota siserang kalak Gibeon, perban enggo erdame kalak e ras Josua bage pe ras kalak Israel.”+
5 Pulung limana raja kalak Amori+ radu ras prajurit-prajuritna. Raja-raja e eme raja Jerusalem, raja Hebron, raja Jarmut, raja Lakis, ras raja Eglon. Emaka erbaris kalak e guna nyerang Gibeon, dung e kepung kalak e kota e.
6 Kenca si e ikirim kalak Gibeon pesan man Josua i perkemahen si lit i Gilgal,+ nina, “Ula lupaken budak-budak kena.+ Meterlah kena reh! Selamatken kami janah sampati kami! Kerina raja kalak Amori si lit i daerah pegunungen enggo pulung ngelawan kami.”
7 Emaka berkat Josua arah Gilgal nari radu ras kerina prajurit ras pejuang si megegeh.+
8 Kenca si e nina Jahwe man Josua, “Ula kam mbiar man kalak e,+ sebap enggo Kubereken kalak e man bandu.+ Sekalak pe arah kalak e labo ngasup ngelawan kam.”+
9 Kenca sada berngin Josua erdalan arah Gilgal, rempet iserangna kalak e.
10 Kacauken Jahwe kalak e i lebe-lebe kalak Israel,+ emaka bunuhi kalak Israel kalak e i Gibeon, ayaki kalak Israel kalak e janah bunuhna bas dalan si nangkeng i Bet Horon seh ku Aseka ras Makeda.
11 Sanga kiam kalak e arah kalak Israel nari, eme paksa kalak e bas dalan turun-turunen si lit i Bet Horon, iban Jahwe udan batu si galang arah langit nari ku kalak e seh ku Aseka, janah maten kalak e. Situhuna, buen si mate perban udan batu si galang e asangken perban pedang kalak Israel.
12 Kenca si e, sanga taluken Jahwe kalak Amori i lebe-lebe kalak Israel, ngerana Josua man Jahwe i lebe-lebe kalak Israel, nina,
“O matawari, ngadilah+ i datas Gibeon,+O bulan, ngadilah i datas Lembah Ayalon!”
13 Emaka ngadi matawari ras bulan e janah la miser seh asa taluken bangsa e musuh-musuhna. Kejadin enda tertulis bas buku Jasar.+ Matawari ngadi i tengah-tengah langit janah la terbenam kira-kira sada wari dekahna.
14 Bas wari e, Jahwe si erperang guna Israel.+ Lenga pernah begiken Jahwe pemindon manusia alu cara si bage.+ Sebelumna pe lenga pernah janah kenca si e pe lanai pernah.
15 Kenca si e mulih Josua ras kerina kalak Israel ku perkemahen i Gilgal.+
16 Tapi limana raja e kiam janah cebuni kalak e bas gua i Makeda.+
17 Kenca si e, lit si ngelapor man Josua, nina, “Limana raja e cebuni bas gua i Makeda.”+
18 Emaka nina Josua, “Gulingken batu si galang nutupi gua e janah suruh piga-piga kalak si erjaga i je.
19 Tapi kena ula kem saja. Ayaki musuh-musuh kena janah serang kalak e arah pudi nari.+ Ula pediat kalak e masuk ku kota-kotana, sebap Jahwe Dibata kena enggo mereken kalak e ku tan kena.”
20 Melala kel prajurit-prajurit kalak Amori si ibunuh Josua ras kalak Israel, seh ngasa nandangi keri pasuken kalak e. Piga-piga kalak ngenca si banci kiam janah masuk ku kota-kota si erbenteng.
21 Kerina kalak Israel selamat janah mulihken ku Josua i perkemahen si lit i Makeda. La lit sekalak pe si pang ngerana ngelawan kalak Israel.
22 Kenca si e nina Josua, “Agui tutup gua e janah baba limana raja e man bangku.”
23 Emaka baba kalak e limana raja ndai arah gua nari, eme raja Jerusalem, raja Hebron, raja Jarmut, raja Lakis, ras raja Eglon.+
24 Sanga raja-raja e ibaba ku Josua, lebuh Josua kerina kalak Israel si dilaki janah nina man peminpin-peminpin pasuken Israel si ikut erperang ras ia, “Mari ku jenda. Tamaken nahe kena ku kerahung raja-raja e.” Emaka reh kalak e janah tamana nahena ku kerahung raja-raja e.+
25 Kenca si e nina Josua man kalak e, “Ula mbiar ntah pe gentar.+ Perpanglah janah megegehlah, sebap bagenda kari si iban Jahwe man kerina musuh si ilawan kena.”+
26 Kenca si e bunuh Josua kalak e janah gantungna i lima tiang,* janah tetap kalak e igantung bas tiang e seh ngasa ben.
27 Sanga terbenam matawari, perentahken Josua gelah kalak e ipenusur arah tiang nari+ janah ibenterken ku bas gua ingan kalak e cebuni sebelumna. Kenca si e itutup gua e alu batu si galang, janah e lit denga seh ngasa gundari.
28 Irebut Josua Makeda+ janah serangna alu pedang. Bunuhna rajana bage pe kerina kalak si lit i je, la lit sekalak pe si selamat.+ Ban Josua man raja Makeda+ bagi si banna man raja Jeriho.
29 Kenca si e lawes Josua ras kerina prajurit Israel arah Makeda nari ku Lipna, jenari serang kalak e Lipna.+
30 Bereken Jahwe ka kota e bage pe rajana+ ku tan kalak Israel, janah serang kalak e kota e bage pe kerina si lit i je alu pedang, la lit sekalak pe si selamat. Ban kalak e man raja Lipna bagi si ban kalak e man raja Jeriho.+
31 Jenari lawes Josua ras kerina prajurit Israel arah Lipna ku Lakis+ janah erkemah kalak e i je, dung e serang kalak e kota e.
32 Serahken Jahwe me Lakis ku tan Israel janah bas wari peduaken rebut kalak e kota e. Serang kalak e kota e bage pe kerina si lit i je alu pedang,+ bagi si ibanna man Lipna.
33 Kenca si e reh Horam raja Geser+ nampati Lakis, tapi serang Josua ia bage pe pasukenna janah la lit sekalak pe si pediatna nggeluh.
34 Kenca si e lawes Josua ras kerina prajurit Israel arah Lakis nari ku Eglon+ janah erkemah kalak e i je, jenari serang kalak e kota e.
35 Bas wari e rebut kalak e kota e janah serangna alu pedang, jenari bunuh kalak e ka kerina si lit bas kota e bagi si ban kalak e man Lakis.+
36 Kenca si e lawes Josua ras kerina prajurit Israel arah Eglon nari ku Hebron,+ jenari serang kalak e kota e.
37 Rebut kalak e kota e janah serangna rajana, kota-kota i sekitarna, bage pe kerina kalak si lit i je alu pedang, la lit sada pe si pediatna nggeluh. Kernepken kalak e kota e janah bunuhna kerina si lit i je bagi si banna man Eglon.
38 Dungna lawes Josua ras kerina prajurit Israel ku Debir+ janah serang kalak e kota e.
39 Rebutna kota e janah serangna rajana bage pe kota-kota i sekitarna alu pedang, bunuhna kerina si lit i je,+ la lit sada pe pediatna nggeluh.+ Bagi si banna man Hebron ras Lipna bage pe rajana, bage me si banna man Debir ras rajana.
40 Taluken Josua kerina negri si lit i daerah pegunungen, Negep,* Sepela,+ daerah lereng* gunung, ras kerina rajana, la lit sada pe si pediatna nggeluh. Bunuhna kerina si nggeluh*+ bagi si perentahken Jahwe Dibata Israel.+
41 Taluken Josua kalak e mulai Kades-Barnea+ nari seh ku Gasa+ ras kerina negri Gosen+ seh ku Gibeon.+
42 Taluken Josua kerina raja e ras negrina sekaligus, perban Jahwe Dibata Israel si erperang guna Israel.+
43 Kenca si e mulih Josua ras kerina prajurit Israel ku perkemahen i Gilgal.+
Cataten i teruh
^ Ntah “batang kayu.”
^ Ntah “Selatan.”
^ Ntah “reben-reben.”
^ As. “kerina si erkesah.”
